სამართალმცოდნეობის სპეციალობის მე-2 კურსის სტუდენტებმა ,,სწავლება-კეთებით“ მეთოდის გამოყენებით სასწავლო დისციპლინაში ,,ადამიანის ძირითადი უფლებები და თავისუფლებები“(ლექტორი მოწვეული სპეციალისტი დავით ჭყონია) ჩაატარეს იმიტირებული სასამართლო პროცესი. იმიტირებული პროცესისათვის როლები წინასწარ იყო გადანაწილებული და დავის საგანიც წინასწარ იქნა შერჩეული, სტუდენტებმა იმიტირებულ პროცესზე განიხილეს სიტყვის თავისუფლებისა და ღირსების უფლების დაპირისპირების თაობაზე კონკრეტული საქმე.
იმიტირებულმა პროცესმა დადებითი შეფასება დაიმსახურა პროფესორ-მასწავლებელთა მხრიდან.

სამართალმცოდნეობის სპეციალობის სტუდენტები სტუდენტური თვიმმართველობისა და სოციალურ მეცნიერებათა, ბიზნესისა და სამართალმცოდნეობის ფაკულტეტის ორგანიზებით ჩატარებულ ბათუმის რეგიონალური სამეცნიერო კონფერენციას „ეროვნული უსაფრთხოების თანამედროვე გამოწვევები და ტენდენციები“ დაესწრნენ. ბათუმის შოთა რუსთაველის სახელმწიფო უნივერსიტეტის პროფესორ-მასწავლებლების, სტუდენტების და ინფორმაციული უსაფრთხოების კვლევებისა და ანალიზის ცენტრის წარმომადგენლებმა მოხსენებები სახელმწიფო ეროვნული უსაფრთხოების საკითხებზე წარმოადგინეს. კონფერენციაზე ისეთი მნიშვნელოვანი თემები განიხილეს, როგორიცაა: უსაფრთხოება და თანამედროვე გამოწვევები, ეროვნული უსაფრთხოება, კიბერუსაფრთხოება ეროვნულ უსაფრთხოებასთან მიმართებაში და სხვა.

სამართალმცოდნეობის სპეციალობის სტუდენტებმა დაათვალიერეს აჭარის არქეოლოგიური მუზეუმი. მათზე დიდი შთაბეჭდილება მოახდინა მუზეუმში გამოფენილმა ექსპონატებმა. ექსკურსიამ არქეოლოგიურ მუზეუმში ხელი შეუწყო სტუდენტებში ეროვნული ღირებულებების ჩამოყალიბებასა და განვითარებას.

გაიმართა იურიდიულ მეცნიერებათა დეპარტამენტთან არსებულ სტუდენტთა სამეცნიერო კლუბში სარეფერატო კონკურსი, რომელზეც მოსმენილ იქნა პირველი და მეორე კურსის სტუდენტების სოფიკო ქარცივაძის, თამარ სურმანიძის, მანუჩარ ზოიძის, თამარ ფუტკარაძის, თამთა ზოიძის, თამარ გაბელიას, შორენა ბირკაიას, მაკა დოლიძის, ლაშა ანანიძის სარეფერატო ნაშრომები. მოხსენებებმა დიდი ინტერესი გამოიწვია. გაიმართა დისკუსია თემებთან დაკავშირებით. გამოიკვეთა სამი საუკეთესო ნაშრომი: პირველი ადგილი აიღო თამარ გაბელიამ და შორენა ბირკაიამ, მეორე ადგილი მაკა დოლიძემ, ხოლო მესამე ადგილი დავით ანანიძემ.
პრიზიორ თემებს მიეცა რეკომენდაცია სტუდენტთა საუნივერსიტეტო სამეცნიერო თემების კონკურსში მონაწილეობის მისაღებად.

მშვიდობის, დემოკრატიისა და განვითარების კავკასიური ინსტიტუტის (თბილისი) და სოციალურ მეცნიერებათა ინსტიტუტის (ჰააგა) ინიციატივით, საქართველოს მასშტაბით გაიმართა ესეს კონკურსი ,,სამოქალაქო საზოგადოების განვითარებისათვის“: ,,დეცენტრალიზაცია და მონაწილეობა საქართველოში“ პროგრამის ფარგლებში. კონკურსში მონაწილეობას ღებულობდა შოთა რუსთაველის სახელმწიფო უნივერსიტეტის სამართალმცოდნეობის სპეციალობის მე-2 კურსის სტუდენტი დავით ანანიძე. თემა: ,,პოლიტიკური პარტიები და საზოგადოება“, რომელიც გავიდა მეორე საპრიზო ადგილზე.
ვულოცავთ დავით ანანიძეს ამ გამარჯვებას!

სამართალმცოდნეობის სპეციალობის მე-3 კურსის სტუდენტებმა წარმატებით დაასრულეს ექვსთვიანი სტაჟირების პროგრამა ხელვაჩაურის რაიონულ სასამართლოში. შემაჯამებელ საიმიტაციო საქმედ მათ სისხლის სამართლის მძიმე დანაშაული - მკვლელობა აირჩიეს, რომელიც სისხლის სამართლის კოდექსის 108-ე მუხლით განიხილეს. გადაწყვეტილება თორმეტმა მსაჯულმა, - ხელვაჩაურის მუნიციპალიტეტის ერგესა და ფერიის საჯარო სკოლების მოსწავლეებმა გამოიტანეს.
ხელვაჩაურის რაიონული სასამართლოს თავმჯდომარემ, ბატონმა დავით მამისეიშვილმა, სოციალურ მეცნიერებათა, ბიზნესისა და სამართალმცოდნეობის ფაკულტეტის დეკანმა ბატონმა ადამ მახარაძემ სამართალმცოდნეობის სპეციალობის მე-3 კურსის სტუდენტთა მიერ ჩატარებული საიმიტაციო სასამართლო პროცესი დადებითად შეაფასეს.

გაიმართა იურიდიულ მეცნიერებათა დეპარტამენტთან არსებული სამეცნიერო კლუბის (მეცნიერ ხელმძღვანელი ასოც. პროფესორი ომარ ფარტენაძე) სხდომა, რომელზეც მოსმენილ იქნა სტუდენტ მაკა დოლიძის რეფერატული მოხსენება თემაზე ,,ტრეფიკინგი“ (მეცნიერ ხელმძღვანელი ასისტ. პროფესორი ირაკლი აბაშიძე).
მოხსენებამ დიდი ინტერესი გამოიწვია, მომხსენებელმა უპასუხა შეკითხვებს. გაიმართა დისკუსია თემასთან დაკავშირებით.
მიეცა ვიზირება საუნივერსიტეტო სარეფერატო კონკურსში მონაწილეობისათვის.

20-23 აპრილს ივანე ჯავახიშვილის სახელობის თბილისის სახელმწიფო უნივერსიტეტის, შავი ზღვის საერთაშორისო უნივერსიტეტისა და კავკასიის ფონდის ორგანიზებით ქალაქ თბილისში სტუდენტთა I საერთაშორისო კონფერენცია ჩატარდა თემაზე: ,,კავკასია, როგორც ერთიანი კულტურული და ეკონომიკური სივრცე”. კონფერენციაში ბათუმის შოთა რუსთაველის სახელმწიფო უნივერსიტეტის სოციალურ მეცნიერებათა, ბიზნესისა და სამართალმცოდნეობის ფაკულტეტის მენეჯმენტის სპეციალობის მე-3 კურსის სტუდენტები - ანა გურული (თემა: ,,საქართველოს ეკონომიკური ინტერესები კავკასიის რეგიონში გლობალიზაციისა და კონკურენტუნარიანობის კონტექსტში“, მეცნიერ ხელმძღვანელი ასისტ.პროფ. ბადრი გეჩბაია); გუგული თურმანიძე და მზია დავითაძე (თემა: ,,საქართველოს ეკონომიკური ინტეგრაცია ცენტრალურ კავკასიაში” მეცნიერ ხელმძღვანელი ასოც.პროფ. ანზორ დევაძე) მონაწილეობდნენ. ბსუ-ს სტუდენტები კომპეტენტურმა ჟიურიმ ფულადი პრიზითა და ფასიანი საჩუქრებით დააჯილოდოვა.

საქართველოს სახალხო დამცველი გიორგი ტუღუში ბათუმის შოთა რუსთაველის სახელმწიფო უნივერსიტეტის სამართალმცოდნეობის სპეციალობის სტუდენტებს შეხვდა. ომბუდსმენმა ახალგაზრდებს 2011 წლის ანგარიში წარუდგინა და სახალხო დამცველისა და მისი აპარატის საქმიანობაზე ესაუბრა. სტუდენტები ადამიანის უფლებათა და თავისუფლებათა დაცვით, სასჯელაღსრულების სისტემითა და შეზღუდული შესაძლებლობების მქონე მოქალაქეების სოციალური საკითხებით დაინტერესდნენ. შეხვედრა კითხვა-პასუხის რეჟიმში წარიმართა და ომბუდსმენმა სტუდენტების აქტუალურ შეკითხვებს უპასუხა.

16-18 აპრილს ირლანდიაში, ქ. დუბლინში, ინფონომიკის საერთაშორისო საზოგადოების ორგანიზებით, ევროკავშირის, კანადის მასწავლებელთა გაერთიანების, „Palgrave Macmillan“ საერთაშორისო საგამომცემლო სახლისა და სხვა საერთაშორისო ორგანიზაციების სპონსორობით გაიმართა განათლების საერთაშორისო კონფერენცია - Ireland International Conference on Education (IICE‐2012). კონფერენცია ატარებდა ინტერდისციპლინარულ ხასიათს და მასში მონაწილეობდა განათლების სფეროში მოღვაწე, სხვადასხვა ქვეყნის, ასზე მეტი წარმომადგენელი. საქართველოდან კონფერენციაში მონაწილეობა მიიღო შოთა რუსთაველის ბათუმის სახელმწიფო უნივერსიტეტის სოციალურ მეცნიერებათა, ბიზნესისა და სამარალმცოდნეობის ფაკულტეტის ასოცირებული პროფესორმა მალხაზ ნაკაშიძემ. მან კონფერენციაზე ბათუმის სახელმწიფო უნივერსიტეტის სახელით წარადგინა მოხსენება თემაზე: „იმიტირებული სასამართლო პროცესის როლი სტუდენტთა კრიტიკული აზროვნების განვითარებაში „კონსტიტუციური მართლმსაჯულების“ სამაგისტრო სასწავლო კურსის ფარგლებში“. მისი მოხსენება ექსპერტების მიერ ასევე შერჩეულ იქნა „Peer-Reviewed“ სტატუსის მქონე საერთაშორისო ჟურნალში გამოსაქვეყნებლად.