23- 27 აპრილს ბათუმის შოთა რუსთაველის სახელმწიფო უნივერსიტეტის სტუდენტთა სამეცნიერო ცენტრის ორგანიზებით რეფერატულ ნაშრომთა კონკურსი გაიმართა. კონკურსი ითვალისწინებდა სტუდენტთა სამეცნიერო საქმიანობის სტიმულირებას, სამეცნიერო კვლევა–ძიების პროცესში ჩართული პირველი და მეორე კურსის სტუდენტების სამეცნიერო საქმიანობის მხარდაჭერასა და წახალისებას. კონკურსში მონაწილეობის მისაღებად ბაკალავრიატის საფეხურის პირველი და მეორე კურსის 122 სტუდენტი დარეგისტრირდა, ხოლო მონაწილეობა 100-მა მიიღო. მონაცემები ფაკულტეტების მიხედვით შემდეგნაირად გადანაწილდა... »»»

სტუდენტთა სამეცნიერო ცენტრის ორგანიზებით კონფერენცია გაიმართა თემაზე: „რადიაცია“. განათლებისა და მეცნიერებათა და საინჟინრო-ტექნოლოგიური ფაკულტეტების სტუდენტებმა 18 მოხსენება წარმოადგინეს რადიაციის გამომწვევ მიზეზებზე, საქართველოში არსებულ რადიოეკოლოგიურ მდგომარეობაზე, რადიოაქტიური ფონის გავრცელებასა და მის შედეგებზე. ახალგაზრდები რადიაციის თემაზე დისკუსიებს საჯარო სკოლებშიც მოეწყობენ და თავიანთ მოხსენებებს მოსწავლეებსაც გააცნობენ.

სტუდეტთა სამეცნიერო ცენტრი აცხადებს კონკურსს საბუნებისმეტყველო მიმართულების I, II და III კურსის სტუდეტებისათვის მტირალას ეროვნულ პარკსა და ისპანის ტორფნარში სამეცნიერო-კვლევით პროექტში მონაწილეობის მისაღებდ.... »»»

სტუდენტთა სამეცნიერო ცენტრი პირველი და მეორე კურსის სტუდენტებისათვის აცხადებს რეფერატულ ნაშრომთა კონკურსს.
კონკურსის მიზანია საუნივერსიტეტო სამეცნიერო კვლევა–ძიების პროცესში ჩართოს პირველი და მეორე კურსის სტუდენტები, ხელი შეუწყოს სასწავლო პროცესის სრულყოფას, მეცნიერული უნარ-ჩვევების ჩამოყალიბებასა და განვითარებას.... »»»

საბჭოთა ოკუპაციის კვირეულის ფარგლებში შოთა რუსთაველის სახელმწიფო უნივერსიტეტის ისტორიის, არქეოლოგიისა და ეთნოლოგიის დეპარტამენტისა და სტუდენტთა სამეცნიერო ცენტრის ორგანიზებით სამეცნიერო სესია გაიმართა. პროფესორ-მასწავლებლებმა მოხსენებები წარმოადგინეს ისეთ მნიშვნელოვან საკითხებზე, როგორიცაა: „1921 წლის 25 თებერვალი“, „1921 წლის თებერვალი და საერთაშორისო საზოგადოებრიობა“ და „1921 წლის 25 თებერვალი ქართულ მწერლობაში“. განიხილეს იმ დროისათვის საქართველოში არსებული პოლიტიკური, ეკონომიკური და სოციალური მდგომარეობა, ანექსიის გამომწვევი მიზეზები და კიდევ ერთხელ პატივი მიაგეს 1921 წლის 25 თებერვალს სამშობლოს ერთიანობისათვის დაღუპულ გმირთა ხსოვნას. სამეცნიერო სესია ოკუპაციის ამსახველი ფოტო-კოლაჟითა და ინტელექტუალური თამაშით დასრულდა, რომელშიც ბათუმის საჯარო და კერძო სკოლების მოსწავლეები მონაწილეობდნენ. გამარჯვებულ გუნდებს სერტიფიკატები და სამახსოვრო საჩუქრები გადასცეს.

„შპს ჰაიდელბერგცემენტ კაუკასუსი“ აცხადებს საერთაშორისო სამეცნიერო კონკურსს - “ბიომრავალფეროვნების ხელშეწყობა კარიერებზე”. დამატებითი ინფორმაციისათვის მიმართეთ სტუდენტთა სამეცნიერო ცენტრს ან სტუდენტთა მომსახურებისა და მხარდაჭერის სამსახურს(ოთახი №313, 315).

შოთა რუსთაველის სახელმწიფო უნივერსიტეტის სტუდენტთა მომსახურებისა და მხარდაჭერის სამსახურის ინიციატივით საკარიერო დღეების პროექტის ფარგლებში თურქ ბიზნესმენებსა და რსუ-ს სტუდენტებს შორის მორიგი შეხვედრა გაიმართა. თურქმა ბიზნესმენებმა ახალგაზრდებთან დასაქმების პერსპექტივებზე, რეგიონში არსებულ უცხოურ ინვესტიციებზე, ბიზნესსა და სამომავლო პროექტებზე ისაუბრეს. შეხვედრა კითხვა-პასუხის რეჟიმში წარიმართა და სტუმრებმა სტუდენტების შეკითხვებს უპასუხეს.

„მოხალისეობის ევროპული 2011 წლის“ ეგიდით გამართულ საერთაშორისო კონფერენციაში „საქართველოს ევროპული გზა“ შოთა რუსთაველის სახელმწიფო უნივერსიტეტის სტუდენტები მონაწილეობდნენ. კონფერენციის მიზანი იყო მოხალისეობის მეშვეობით სამოქალაქო ჩართულობის ხელშეწყობა, საერთო ევროპული ღირებულებების - სოლიდარობისა და სოციალური ინტეგრაციის - გავრცელება და ახალი უნარ-ჩვევების შეძენა. მოხალისეთა ინსტიტუტის განვითარების ხელშეწყობის მიზნით საქართველოში ევროკავშირის წარმომადგენლობის დაფინანსებით, კავკასიის არასამთავრობო ორგანიზაციებთან და საქართველოს კულტურული მემკვიდრეობის დაცვის ეროვნულ სააგენტოსთან ერთად ევროპის სახლი ახორცილეოებს პროექტს „მოახლისეობის განვითარების ხელშეწყობა საქრათველოში“.