ტურიზმის ფაკულტეტმა, რესტორნის მენეჯმენტის მაღალხარისხოვნად სწავლებისათვის შეიძინა კომპანია ,,Micros-Fidelio”-ს პროგრამული სისტემა - ,,Micros“, რომელიც წარმატებით გამოიყენება სარესტორნო ბიზნესში. ამ სისტემით სარგებლობენ სასტუმროების ისეთი ცნობილი ბრენდები როგორიცაა: ,,შერატონი“, ,,რადისონი“, ,,ჰილტონი“ და სხვა.
რესტორნის მენეჯმენტის თანამედროვე სისტემის სწავლება გათვალისწინებულია ,,ტურიზმის“ სპეციალობის საგანმანათლებლო პროგრამით.
მთავარი მიზანია ტურიზმის ინდუსტრიისათვის მაღალკვალიფიციური, ტრანსფერული უნარ–ჩვევების მქონე სპეციალისტების მომზადება.

ტურიზმის ფაკულტეტის სტუდენტები და პროფესორ–მასწავლებლები წმინდა მოციქული ანდრია პირველწოდებულის საქართველოში შემოსვლის დღეს სოფელ დიდაჭარაში იმყოფებოდნენ. მსვლელობა გონიოს ციხიდან დაიწყო, სტუდენტებმა წმინდა მატათას საფლავი მოინახულეს და წმინდა ანდრიას ჯვართან სანთლები დაანთეს. დღესასწაული აჭარის მაღალმთიანეთში ყოველ წელს განსაკუთრებულად აღინიშნება, სადაც, გადმოცემის მიხედვით, ანდრია პირველწოდებულმა ქრისტიანობა იქადაგა და პირველი ტაძარი ააგო.

ბათუმში გამართულ საერთაშორისო ტურისტულ გამოფენაში ,,ექსპო ბათუმი - 2012” შოთა რუსთაველის სახელმწიფო უნივერსიტეტის ტურიზმის ფაკულტეტი და ტურისტული სააგენტო UNItour-ი მონაწილეობდა. უმაღლესი საგანმანათლებლო დაწესებულების სასწავლო-საგანმანათლებლო პროგრამებთან ერთად ფაკულტეტმა დამთვალიერებლებს ტურისტული პროდუქტები გააცნო. ,,ექსპო ბათუმი - 2012”-ზე 8 ქვეყნის 150-მდე კომპანია იყო წარმოდგენილი. გამოფენაზე უკრაინის, ლატვიის, პოლონეთის, აზერბაიჯანის და თურქეთის საგანმანათლებლო დაწესებულებებისა და ტურისტული ორგანიზაციების წარმომადგენლებთან შეხვედრისას ტურიზმის ფაკულტეტსა და ტურისტულ სააგენტო UNItour-თან თანამშრომლობა დაიგეგმა.
... »»»

ნორვეგიის ტელემარკისა და ბათუმის შოთა რუსთაველის სახელმწიფო უნივერსიტეტების ერთობლივი პროექტის ,,ნორვეგიაში, საქართველოსა და ყირგიზეთში ტურიზმის მდგრადი განვითარებისა და ინოვაციების სფეროში განათლება“ პირველი ეტაპის განხორციელება დაიწყო. პროექტი ითვალისწინებს ყოველწლიურად ტურიზმის ფაკულტეტის 3 სტუდენტის ერთწლიან სწავლებას პარტნიორ უმაღლეს სასწავლებელში ,,ტურიზმის მენეჯმენტის“ სპეციალობაზე. მონაწილეები კომპეტენტურმა ჟიურიმ ინგლისური ენის ცოდნის, მაღალი აკადემიური მოსწრებისა და კულტურათაშორისი კომუნიკაციის უნარის მიხედვით შეარჩია. 45 კონკურსანტიდან მეორე ეტაპზე 10 სტუდენტი გადავიდა, რომელთაც ნორვეგიის ტელემარკის უნივერსიტეტის პროფესორებმა თემურ აბესაძემ და ფრუდე ლენგიმ 26 მარტიდან 6 აპრილამდე ტრენინგები ჩაუტარეს. მათგან სამი საუკეთესო სტუდენტი თამთა ქარცივაძე, თამაზ მახარაძე და ეთერ ჯინჭარაძე 2012 წლის 15 აგვისტოდან სწავლას ნორვეგიაში განაგრძობენ.

ტურიზმის ფაკულტეტმა ერთობლივი პროექტის ,,ნორვეგიაში, საქართველოსა და ყირგიზეთში ტურიზმის მდგრადი განვითარებისა და ინოვაციების სფეროში განათლება“ განხორციელების პირველი ეტაპი დაიწყო.
პროექტით გათვალისწინებულია ყოველწლიურად ტურიზმის ფაკულტეტის 3 სტუდენტის ერთწლიანი სწავლება ნორვეგიის ტელემარკის უნივერსიტეტში ,,ტურიზმის მენეჯმენტის“ სპეციალობაზე. კონკურსი 5–9 მარტს გაიმართა შემდეგი პირობებით: ინგლისური ენაში ტესტირება და კომუნიკაცის უნარი, საშუალო აკადემიური მოსწრების მაჩვენებელი.
კონკურსში მონაწილეობა 45 სტუდენტმა მიიღო. კონკურსის ამ ეტაპზე გამარჯვებული არიან შემდეგი სტუდენტები: თამთა ქარცივაძე, ეთერ ჯინჭარაძე, მინდია კურცხალიძე, თამაზ მახარაზე, ნონა მარკარიანი, სოფიკო ფოფხაძე, ნინო ეფრემიძე, ავთანდილ საგინაძე, ილონა ვოლოდინა, დიმიტრი დიასამიძე. ამ ჯგუფთან 26 მარტიდან 6 აპრილამდე ტრენინგებს ჩაატარებენ ნორვეგიის ტელემარკის უნივერსიტეტის პროფესორები (თემურ აბესაძე და ფრუდე ლენგი) და შეარჩევენ 3 სტუდენტს, რომლებიც სწავლას გააგრძელებენ ნორვეგიაში ამა წლის 15 აგვისტოდან.

შოთა რუსთაველის სახელმწიფო უნივერსიტეტში ტურიზმის ფაკულტეტისა და ტურიზმის ინდუსტრიის წარმომადგენლების I კონფერენცია გაიმართა. რსუ-ს რექტორმა, პროფესორმა ალიოშა ბაკურიძემ და ტურიზმის ფაკულტეტის დეკანმა, პროფესორმა როსტომ ბერიძემ ტურიზმის დეპარტამენტის, სასტუმროებისა და ტურისტული სააგენტოების ხელმძღვანელებს ახლადშექმნილი ფაკულტეტის შესაძლებლობები და სამომავლო გეგემები გააცნეს. კონფერენციის ფარგლებში გაიმართა ვორქშოფი, რომლის მიზანი იყო სამომავლო თანამშრომლობის პრიორიტეტების განსაზღვრა და ერთობლივი პროექტების შემუშავება. ტურიზმის ფაკულტეტისა და ტურიზმის ინდუსტრიის ორგანიზაციების ინტეგრაცია ხელს შეუწყობს ტურიზმისა და მასპინძლობის დარგისათვის მაღალკვალიფიციური, კონკურენტუნარიანი და საერთაშორისო სტანდარტების სპეციალისტების მომზადებას.

შოთა რუსთაველის სახელმწიფო უნივერსიტეტსა და მუგლას (თურქეთი) უნივერსიტეტს შორის მემორანდუმი გაფორმდა. ხელშეკრულების ფარგლებში დაიგეგმა ერთობლივი საგანმანათლებლო პროგრამებისა და სამეცნიერო პროექტების განხორციელება, პროფესორ-მასწავლებლებისა და სტუდენტების გაცვლითი პროგრამების ამოქმედება. მემორანდუმი ასევე ითვალისწინებს კონფერენციების, სიმპოზიუმებისა და სემინარების ჩატარებას, გამოცდილების გაზიარებასა და პარტნიორი უნივერსიტეტის ბაზაზე სტუდენტების პრაქტიკის გავლას. მაისიდან ტურიზმის ფაკულტეტის 10 სტუდენტი პარტნიორ უნივერსიტეტში სამთვიანი სტაჟირების პროგრამით გაემგზავრება.

გაიმართა შოთა რუსთაველის სახელმწიფო უნივერსიტეტის ტურიზმის ფაკულტეტისა და ნორვეგიის ტელემარკის უნივერსიტეტის ერთობლივი პროექტის ,,ნორვეგიაში, საქართველოსა და ყირგიზეთში ტურიზმის მდგრადი განვითარებისა და ინოვაციების სფეროში განათლება“ პრეზენტაცია.
პროექტი უნივერსიტეტის პროფესორ-მასწავლებლებსა და ტურიზმის ფაკულტეტის სტუდენტებს ფაკულტეტის დეკანმა როსტომ ბერიძემ გააცნო.
პროექტის თანახმად, გათვალისწინებულია: ტურიზმის ფაკულტეტის 9 სტუდენტის სწავლა ერთი წლით; 6 პროფესორ-მასწავლებლის სტაჟირება; ტურისტული ბაზრის კვლევის მეთოდების შესწავლის მიზნით, მარკეტინგული კვლევა ნორვეგიის მაგალითზე; ,,ტურიზმის” საბაკალავრო საგანმანათლებლო პროგრამის სრულყოფა; ეკოტურიზმის პრაქტიკული სწავლებისათვის ,,ეკოტურიზმის სასწავლო ცენტრის“ შექმნა მტირალას ეროვნული პარკის ბაზაზე; საერთაშორისო სამეცნიერო-პრაქტიკული კონფერენციის ,,ტურიზმის მდგრადი განვითარება“ ორგანიზება (2-3 ივნისი, 2012წ.); ნორვეგიელი პროფესორების მოწვევა.

ამერიკის სახელმწიფო დეპარტამენტისა და საელჩოს ორგანიზებით, შოთა რუსთაველის სახელმწიფო უნივერსიტეტს კალიფორნიის უნივერსიტეტის კოლინსის კოლეჯის ტურიზმის მენეჯმენტის ფაკულტეტის დეკანი ენდი ფეინშტეინი ეწვია. ტურიზმის ფაკულტეტის პროფესორ-მასწავლებლებთან გამართული შეხვედრის შემდეგ ამერიკელმა ექსპერტმა საჯარო ლექცია წაიკითხა თემაზე: „საერთაშორისო ტურიზმის განვითარების ტენდეციები“. სტუმარმა სტუდენტებს ტურიზმის განვითარების ტენდენციები და პერსპექტივები გააცნო და მრავალწლიანი მუშაობის გამოცდილება გაუზიარა. დოქტორმა ენდი ფეინშტეინმა ასევე ისაუბრა შოთა რუსთაველის სახელმწიფო უნივერსიტეტისა და კალიფორნიის უნივერსიტეტის სამომავლო თანამშრომლობაზე. საჯარო ლექციის დასასრულს, ტურიზმის ფაკულტეტის სტუდენტებმა ტურიზმის მენეჯმენტზე, აჭარის ტურისტულ პოტენციალსა და სამთო ტურიზმის განვითარების საკითხებზე მოხსენებები წარმოადგინეს.

ნორვეგიის ტელემარკის უნივერსიტეტს შოთა რუსთაველის სახელმწიფო უნივერსიტეტის რექტორი, პროფესორი ალიოშა ბაკურიძე, ტურიზმის ფაკულტეტის დეკანი როსტომ ბერიძე და სამეცნიერო ცენტრის დირექტორი ემზარ ძირკვაძე ეწვივნენ. ოთხდღიანი ვიზიტის ფარგლებში ხელი მოეწერა ხელშეკრულებას, რომელიც ითვალისწინებს სამწლიანი პროექტის ,,ნორვეგიაში, საქართველოში და ყირგიზეთში ტურიზმის მდგრადი განვითარების და ინოვაციების სფეროში განათლების“ განხორციელებას. პროექტის ეგიდით ამოქმედდება ერთობლივი საგანმანათლებლო და სამეცნიერო-კვლევითი პროგრამები, ინოვაციებისა და სამეწარმეო სწავლების სფეროში შემუშავდება კურიკულუმი, ტურიზმის ფაკულტეტის სტუდენტებისა და პროფესორ-მასწავლებლებითვის განხორციელდება გაცვლითი პროგრამები. დელეგაციის წევრები მასპინძელი უნივეტსიტეტის სასწავლო პროგრამებს, მატერუალურ-ტექნიკურ ბაზასა და ნორვეგიის ტურისტულ პოტენციალს გაეცნენ. აპრილში 3 წარჩინებული სტუდენტი ერთწლიან სასწავლო კურსს ნორვეგიის ტელემარკის უნივერსიტეტში გაივლის.