2026 წლის 23 მაისს, ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის ორგანიზებით, სკოლისა და უნივერსიტეტის თანამშრომლობის კლუბის „სკოლა-უნივერსიტეტი“ ფარგლებში, გაიმართება XII სამეცნიერო-პრაქტიკული კონფერენცია თემაზე: „სასკოლო განათლება - თანამედროვე გამოწვევები და პერსპექტივები“.
კონფერენციის მიზანია: უნივერსიტეტისა და სკოლის თანამშრომლობის ხელშეწყობა; მოსწავლეებსა და სტუდენტებში შემოქმედებითი, თანამშრომლობითი და კომუნიკაციური უნარების განვითარება; კრიტიკული აზროვნების ჩამოყალიბება და ნიჭიერი ახალგაზრდების გამოვლენა.
სამუშაო ენა: ქართული
ფორმატი: პირისპირ
რეგლამენტი: მოხსენება – 10 წუთი; კითხვა-პასუხი – 5 წუთი.
საორიენტაციო თემატიკა:
- პიროვნება და საზოგადოება; თანასწორობა და დისკრიმინაცია;
- მედია და ინფორმაციული წიგნიერება;
- კონფლიქტები ჩვენს ცხოვრებაში; ძალადობის პრევენცია;
- მოქალაქე, საზოგადოება, სახელმწიფო; ადამიანის უფლებები;
- ჯანსაღი ცხოვრების წესი;
- ტექნოლოგიები და მათი გამოყენების პერსპექტივები განათლებაში;
- სწავლების თანამედროვე მიდგომები (პროექტზე, პრობლემაზე და კვლევაზე დაფუძნებული სწავლება);
- სასწავლო დისციპლინების სწავლების თავისებურებები (ქართული ენა, მათემატიკა, საბუნებისმეტყველო მეცნიერებები და სხვა);
- სკოლის მართვა, ინოვაციები და ხარისხის უზრუნველყოფა;
- მასწავლებლისა და მოსწავლის ურთიერთობა; მშობლის როლი სასკოლო ცხოვრებაში;
- სკოლამდელი და პროფესიული განათლების თანამედროვე გამოწვევები.
შენიშვნა: თემატიკა საორიენტაციოა. შეგიძლიათ წარმოადგინოთ მოხსენება სასკოლო განათლებასთან დაკავშირებულ ნებისმიერ სხვა აქტუალურ საკითხზე.
მონაწილეობის პირობები და თეზისების გაფორმება:
მონაწილეებმა თეზისები უნდა გამოაგზავნონ ელფოსტაზე: nato.sherozia@bsu.edu.ge
ტექნიკური მოთხოვნები:
- მოცულობა: მაქსიმუმ 200 სიტყვა (MS Word-ის ფაილი);
- შრიფტი: Sylfaen; ზომა: 11 (სათაურისთვის – 12);
- დაშორება: 1.5.
თეზისი უნდა მოიცავდეს:
- ავტორ(ებ)ის სრული სახელი და გვარი;
- ხელმძღვანელის სრული სახელი და გვარი;
- ორგანიზაცია/უნივერსიტეტი, სკოლა, ქალაქი;
- ავტორ(ებ)ის საკონტაქტო ინფორმაცია: ტელეფონის ნომერი და ელფოსტა;
- კონფერენციის თემატური მიმართულება, რომელსაც შეესაბამება წარმოდგენილი თეზისი;
- თეზისის სათაური;
- საკვანძო სიტყვები;
- თეზისი (ძირითადი ტექსტი).
მნიშვნელოვანი თარიღები:
3 მაისი, 2026: თეზისების გამოგზავნის ბოლო ვადა;
7 მაისი, 2026: შერჩეული თეზისების ავტორთა ინფორმირება;
23 მაისი, 2026: კონფერენციის ჩატარების თარიღი.
კონფერენციის ყველა მონაწილეს გადაეცემა სერტიფიკატი.
სამეცნიერო და საორგანიზაციო კომიტეტის წევრები
- ნატო შეროზია, ასოცირებული პროფესორი (სტუდენტთ და მოსწავლეთა თანამშრომლობის კლუბის ხელმძღვანელი)
- ლელა თურმანიძე, პროფესორი
- ლელა თავდგირიძე, პროფესორი
- მაია ვანიძე, პროფესორი
- ლალი ჟღენტი, ასოცირებული პროფესორი
- მიხეილ დონაძე, ასოცირებული პროფესორი
- ნინო სამნიძე, ასოცირებული პროფესორი
- თათია ნაკაშიძე-მახარაძე, ასოცირებული პროფესორი
- მედეა დიასამიძე, ასოცირებული პროფესორი
- მაია ბოლქვაძე, ასისტენტ პროფესორი
- დალი დობორჯგინიძე, ასისტენტ პროფესორი
- ცირა ქამადაძე, ასისტენტ პროფესორი
- ირმა ბაგრატიონი, ასისტენტ პროფესორი
- ქეთევან თადუმაძე, პედაგოგიურ მეცნიერებათა დეპარტამენტის სპეციალისტი
- ემზარ ჭელიძე, სტუდენტი
საკონტაქტო პირები:
- ნატო შეროზია (კოორდინატორი) – (+995) 577 17 37 07; nato.sherozia@bsu.edu.ge
- ქეთევან თადუმაძე – (+995) 579 19 19 97
| უკან |
