ისტორიულ ტაო-კლარჯეთში ბსუ-ს ტურიზმის ფაკულტეტის ტრადიციული სასწავლო-პრაქტიკული ტური მოეწყო. სამდღიანი საგანმანათლებლო ტურის ფარგლებში, 50-მდე სტუდენტი ეწვია ხახულის, ოშკის, იშხანის, ოთხთას, პარხალის, დოლისყანის და ტბეთის ტაძრებსა და სამონასტრო კომპლექსებს. საველე პრაქტიკა განხორციელდა კულტურული ტურიზმის, საექსკურსიო საქმის და ტუროპერირების სასწავლო კურსების ფარგლებში და მიზნად ისახავდა სტუდენტებისთვის თეორიული ცოდნის გაღრმავებას და პროფესიული უნარ-ჩვევების განვითარებას.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტმა მარიოტის დასაქმების ფორუმს უმასპინძლა. ფორუმი ჩატარდა ტურიზმის ფაკულტეტისა და მარიოტის სასტუმროების ქსელის თანამშრომლობის ფარგლებში და მიზნად ისახავდა სტუდენტებისთვის და დაინტერესებული პირებისთვის სასტუმრო ინდუსტრიაში დასაქმების რეალური შესაძლებლობების გაცნობას საერთაშორისო ბრენდის სასტუმროებში: ლე მერიდიენი, შერატონი და ქორთიარდ ბათუმი.

7-11 აპრილს, „ერაზმუს+“-ის გაცვლითი პროგრამის ფარგლებში, ბსუ-ს ტურიზმის ფაკულტეტის ასისტენტ პროფესორი ნათია ბერიძე აკადემიური მობილობით იმყოფებოდა კროსნოს გამოყენებით მეცნიერებათა უნივერსიტეტში (პოლონეთი). ნათია ბერიძემ ლექციები წაიკითხა და პრაქტიკული მეცადინეობები ჩაატარა II და III კურსის სტუდენტებთან მასპინძლობის მიმართულებით. ვიზიტის ფარგლებში ნათია ბერიძე გაეცნო საგანმანათლებლო პროგრამებს, საუნივერსიტეტო ცხოვრებას, მიმდინარე სასწავლო პროცესსა და სიახლეებს, ასევე შეხვდა უნივერსიტეტის დეპარტამენტებისა და საგარეო ურთიერთობათა სამსახურის წარმომადგენლებს.

ტურიზმის ფაკულტეტის სტუდენტები „Erasmus+“-ის საერთაშორისო გაცვლითი პროგრამის ფარგლებში და აჭარის ავტონომიური რესპუბლიკის განათლების, კულტურისა და სპორტის სამინისტროს დაფინანსებით ევროპის უნივერსიტეტებში სასწავლებლად გაემგზავრნენ. 2024-2025 სასწავლო წლის გაზაფხულის სემესტრს ტურიზმის საბაკალავრო საგანმანათლებლო პროგრამის სტუდენტი ნინი ჯიჯავაძე პოლონეთში, ლუბლინის ბიზნესისა და ადმინისტრირების უმაღლესი სკოლაში გაივლის, ნინი აბულაძე - საფრანგეთში, ანჟეს უნივერსიტეტში, ნინი თებიძე - გერმანიაში, ვესტფალიანის გამოყენებითი მეცნიერებების უნივერსიტეტში, ხოლო მარიამ თედორაძე და ალეკო ბერიძე ერთი სემესტრის განმავლობაში ვარშავას უნივერსიტეტში ისწავლიან სპეციალობის შესაბამის სასწავლო კურსებს.

ბსუ-ში ფრანკოფონიის საუნივერსიტეტო სააგენტოს (AUF) მხარდაჭერითა და ბათუმის შოთა რუსთაველის სახელმწიფო უნივერსიტეტის ორგანიზებით, სტუდენტური კონფერენცია „Ma Francophonie 2025“ ჩატარდა, რომელიც ფრანკოფონიის დღეებს მიეძღვნა. ღონისძიება ფრანკოფონულ ცენტრში (CEF) გაიმართა, სადაც სტუდენტებმა და მოსწავლეებმა წარმოადგინეს პრეზენტაციები ფრანგული კულტურისა და ცივილიზაციის შესახებ. ასევე, სტუდენტებმა, რომლებიც გაცვლითი პროგრამით საფრანგეთში იმყოფებოდნენ ისაუბრეს ფრანგულ უნივერსიტეტებში სტუდენტურ დაკულტურულ ცხოვრებაში უცხოელ სტუდენტთა ინტეგრირების საკითხებზე.