ბსუ-ს ფიტოპათოლოგიისა და ბიომრავალფეროვნების ინსტიტუტს საველე ვიზიტით იმყოფებოდნენ ნიკო კეცხოველის სასკოლო პრემია პროექტის „დავიცვათ, რომ ვიყოთ დაცული“ ფარგლებში ეკოკლუბ „ერუდიტის“ მოხალისეები ეწვიენ. კოლხეთის ტორფნარებისა და წყლის ეკოსისტემების კონსერვაციის განყოფილების უფროსმა, მთავარ მეცნიერ თანაშრომელმა იზოლდა მაჭუტაძემ ეკოკლუბის წევრებს სემინარი ჩაუტარდა თემაზე „კოლხეთის დაბლობის ფლორისა გლობალური და საქართველოს წითელი ნუსხის სახეობები“. მომხსენებელმა ისაუბრა იმ ჰაბიტატებისა და ფლორის მნიშვნელობაზე, რომლებიც განიხილება გლობალური IUCN Red List-ისა და საქართველოს წითელი ნუსხისთვის, ყურადღება გაამახვილა ასევე ჰართვისის და კოლხური მუხის სახეობებზე.

ბათუმის შოთა რუსთაველის სახელმწიფო უნივერსიტეტში „Horizon 2020”-ის პროექტის „საზღვაო კვლევების და ინოვაციების კოორდინირება შავ ზღვაზე - Black Sea Connect” წარდგენა გაიმართა. ბსუ-ს პროფესორ-მასწავლებლებსა და მკვლევრებს პროექტის თსუ-ს სამუშაო ჯგუფის წარმომადგენელმა სალომე კობაიძემ პროგრამის მიზნები და ამოცანები გააცნო. პროექტი ეფუძნება შავი ზღვის აუზში კვლევისა და ინოვაციების განხორციელების მიზნით შემუშავებულ „შავი ზღვის სტრატეგიული კვლევებისა და ინოვაციების დღის წესრიგს“, რომელიც ევროკავშირის მიერ არის ინიცირებული.

ბსუ-ს ფიტოპათოლოგიისა და ბიომრავალფეროვნების ინსტიტუტის, ბიომრავალფეროვნების მონიტორინგისა და კონსერვაციის განყოფილების მთავარმა მეცნიერ თანამშრომელმა ნელი ხალვაშმა ჩაატარა სემინარი თემაზე: „აგრობიომრავალფეროვნება პრობლემები და პერსპექტივები“. მომხსენებელმა ისაუბრა ბიომრავალფეროვნების მნიშვნელობაზე, საქართველოში არსებულ სახეობათა მრავალფეროვნებაზე და აგრო-ბიომრავალფეროვნებაზე, როგორც ბიომრავალფეროვნების შემადგენელ ნაწილზე. მომხსენებელმა ყურადღება გაამახვილა საქართველოს აგრო-ბიო-მრავალფეროვნებაში არსებულ პრობლემებზე და იმ გასატარებელ ღონისძიებებზე, რომელიც მიმართული უნდა იყოს საქართვლოში აგრო-ბიომრავალფეროვნების შენარჩუნებისათვის.

ბსუ-ს ფიტოპათოლოგიის და ბიომრავალფეროვნების ინსტიტუტში საქმიანი ვიზიტით იმყოფებოდნენ საქართველოს აგრარული უნივერსიტეტის ს. დურმიშიძის ბიოქიმიის და ბიოტექნოლოგიის ინსტიტუტის მეცნიერები: ბიოლოგიური ჟანგვის ლაბორატორიის ხელმძღვანელი, პროფესორი გია ხატისაშვილი, უნივერსიტეტის პროფესორი თამარ ვარაზი, ასოცირებული პროფესორები მარიცა ყურაშვილი და მარინა ფრუიძე. ვიზიტის მიზანი იყო მათი სამეცნიერო საქმიანობის გაცნობა, საერთო კვლევითი ინტერესის სფეროს გამოვლენა, სამომავლო თანამშრომლობის დაგეგმვა და „Horizon Europe 2021-2024“ კონკურსისთვის ერთობლივი საერთაშორისო პროექტის მომზადება. გია ხატისაშვილმა და თამარ ვარაზმა წარმოადგინეს მოხსენებები მათი კვლევითი მიმართულებების, განხორციელებული და მიმდინარე პროექტების შესახებ.