საზაფხულო სკოლის „ენების კვირეული ბსუ-სთან ერთად’’ ფარგლებში ბათუმის შოთა რუსთაველის სახელმწიფო უნივერსიტეტს  ფრანგი ქართველოლოგი, ბსუ-ს საპატიო დოქტორი და ემერეტუს პროფესორი შარლ რენუ ეწვია. ფრანგი პროფესორი ჰუმანიტარულ მეცნიერებათა ფაკულტეტის დეკანთან მარინა გიორგაძესთან ერთად საზაფხულო სკოლის მონაწილეებს შეხვდა და ქართულ კულტურასა და ფრანგული ენის სწავლების მნიშვნელობაზე ესაუბრა. აგრეთვე,  შარლ რენუ მოსწავლეებისა და სტუდენტების სამომავლო პროფესიული გეგმებით დაინტერესდა. საზაფხულო სკოლის მონაწილეებმა ფრანგი ქართველოლოგისგან სასარგებლო რჩევები მიიღეს და ფრანგულ ენაზე კომუნიკაციის პრაქტიკა გაიარეს.