კონკურსები

ბათუმის შოთა რუსთაველის სახელმწიფო უნივერსიტეტი აცხადებს ევროკომისიის მიერ დაფინანსებულ ერაზმუს+ გაცვლითი პროგრამის კონკურსს 2021 - 2022 სასწავლო წლის შემოდგომისა და გაზაფხულის სემესტრებისათვის. კონკურსში მონაწილეობის მიღება შეუძლიათ იმ სტუდენტებს, რომლებმაც წარმატებით გაიარეს საუნივერსიტეტო ტესტირება ინგლისურ ენაში 2021 წლის 25 თებერვალს (იხილეთ დანართი შედეგები) ან წარმოადგინეს უცხო ენის სერტიფიკატი.

ერაზმუს+ გაცვლითი პროგრამის კონკურსის ტესტირებისთვის რეგისტრირებულ სტუდენტთა საყურადღებოდ, ტესტირება ინგლისურ ენაში გაიმართება ხვალ, 25 თებერვალს, ბათუმის შოთა რუსთაველის სახელმწიფო უნივერსიტეტის მთავარ კორპუსში, ნინოშვილის ქ. #35 (ბულვარის მხრიდან) მთავარი შესასვლელი.
ინფორმაცია ტესტირების დროისა და აუდიტორიის შესახებ იხილეთ მიმაგრებულ დანართში.

"სამაგისტრო სტიპენდიები საფრანგეთში 2021-2022" გახლავთ ერთობლივი სასტიპენდიო პროგრამა, რომელიც ხორციელდება საფრანგეთის მთავრობისა და განათლების საერთაშორისო ცენტრს შორის 2019 წლის 5 აპრილს გაფორმებული თანამშრომლობის მემორანდუმის საფუძველზე, საფრანგეთის მთავრობის, კამპუს ფრანსისა და განათლების საერთაშორისო ცენტრის მიერ. სტიპენდიები ქართველ სტუდენტებს სთავაზობს საფრანგეთში მაგისტრატურის საფეხურზე სწავლის გასაგრძელებლად სრული დაფინანსების მოპოვების შესაძლებლობას (ფრანგულ, ან ინგლისურენოვან პროგრამებზე).