ლექციაზე ანდრო დგებუაძემ ყურადღება გაამახვილა თანამედროვე ადამიანის წინაშე არსებულ ერთ-ერთ უმწვავეს გამოწვევაზე - არჩევანის სიჭარბით გამოწვეულ პრობლემაზე. განსაკუთრებული ადგილი ლექციაზე დაეთმო ხელოვნური ინტელექტის მზარდ გავლენას შრომის ბაზარზე. ფილოსოფოსმა აღნიშნა, რომ ხელოვნური ინტელექტი სულ უფრო მეტ პროფესიულ სფეროში ნერგავს ძირეულ ცვლილებებს, რაც ახალგაზრდების პროფესიის არჩევას კიდევ უფრო ართულებს. დღეს პრესტიჟულად მიჩნეული პროფესია ხვალ შეიძლება მნიშვნელოვნად შეიცვალოს ან საერთოდ გაქრეს.

ბათუმის შოთა რუსთაველის სახელმწიფო უნივერსიტეტში კარიერული კვირეული პანელური დისკუსიით გაიხსნა თემაზე: „ადგილობრივი შრომის ბაზარი - ტენდენციები, გამოწვევები და შესაძლებლობები“. დისკუსია მიზნად ისახავს თანამედროვე შრომის ბაზრის გამოწვევებზე, განათლების სისტემისა და ბიზნესის თანამშრომლობაზე, შრომითი სტანდარტების მნიშვნელობასა და ახალგაზრდების კონკურენტუნარიანობის გაძლიერების გზებზე მრავალსექტორული დიალოგის წარმართვას.

3–14 მარტს, შუახევის მუნიციპალიტეტში, გომარდულის სათხილამურო ბაზაზე გაიმართა ბსუ-ს სტუდენტის, 2008 წლის რუსეთ-საქართველოს ომში დაღუპული გმირის ამირან მამალაძის ხსოვნისადმი მიძღვნილი ტურნირი სათხილამურო სპორტში (სლალომი). ღონისძიებას ესწრებოდნენ უნივერსიტეტის ადმინისტრაციის წარმომადგენლები და სტუდენტები. ასევე მონაწილეობდნენ სსიპ ვეტერანების საქმეთა სახელმწიფო სამსახურის, შუახევის მუნიციპალიტეტის საკრებულოსა და მერიის, საქართველოს თავდაცვის სამინისტროს წარმომადგენლები და ამირან მამალაძის ოჯახის წევრები.
ტურნირში მონაწილეობა მიიღეს ბარათაულის, გომარდულის, ოლადაურისა და მაწყვალთის საჯარო სკოლების მოსწავლეებმა. გამარჯვებულებს გადაეცათ თასები, მედლები და სიგელები, ხოლო მონაწილეებს - სამახსოვრო საჩუქრები ბათუმის შოთა რუსთაველის სახელმწიფო უნივერსიტეტისგან.

19-20 თებერვალს ბათუმის შოთა რუსთაველის სახელმწიფო უნივერსიტეტში „Erasmus+“-ის საგრანტო პროექტის „პროფესიული განათლებისა და სტუდენტების ჩართულობის ხელშეწყობა მენტორინგისა და ტუტორინგის სისტემით უმაღლეს საგანმანათლებლო დაწესებულებებში" (PROMENT) დასკვნითი კონფერენცია ჩატარდა.

წარმატებით დასრულდა ბსუ-ს ინტელექტუალური თამაშის „რა? სად? როდის?“ ღია ჩემპიონატი. ღონისძიებაში მონაწილეობა მიიღო 56 გუნდმა, მათ შორის სხვადასხვა უნივერსიტეტის, სკოლის მოსწავლეთა და „ლეგიონერთა" (კურსდამთავრებულთა) გუნდებმა.