ბათუმის შოთა რუსთაველის სახელმწიფო უნივერსიტეტში სტუდენტთა სამეცნიერო კონფერენცია - 2026 გაიმართა. უნივერსიტეტის საბაკალავრო, სამაგისტრო, სადოქტორო და პროფესიული საგანმანათლებლო პროგრამების 400-ზე მეტმა სტუდენტმა სამეცნიერო მოხსენება წარადგინა 24 სექციის მიმართულებით. სამეცნიერო კონფერენცია მიზნად ისახავდა სტუდენტებში სამეცნიერო-კვლევითი საქმიანობის პოპულარიზაციას, კვლევითი უნარების განვითარებას და ახალგაზრდა მკვლევართა მხარდაჭერას.
ბათუმის შოთა რუსთაველის სახელმწიფო უნივერსიტეტმა „სამოქალაქო ინჟინერიის“ ინგლისურენოვანი საგანმანათლებლო პროგრამა ABET-ის ფარგლებში სან-დიეგოს სახელმწიფო უნივერსიტეტის პროვოსტს, უფროს ვიცე-პრეზიდენტს აკადემიური მიმართულებით ბილ ტონგს, გლობალ კამპუსის დეკანს იან გიბსონს, აშშ-ის საელჩოს წარმომადგენელს, სან-დიეგოს სახელმწიფო უნივერსიტეტი–საქართველოს მრჩეველთა საბჭოს წევრ ჰარვი სერნოვიცს, აშშ-ის საელჩოს საგრანტო და უმაღლესი განათლების პროგრამების კოორდინატორს სოფო ბზიშვილს და სან-დიეგოს სახელმწიფო უნივერსიტეტი–საქართველოს მენეჯერს ინსტიტუციური წარმომადგენლობის მიმართულებით ჯული კაპანაძეს უმასპინძლა.
ბათუმის შოთა რუსთაველის სახელმწიფო უნივერსიტეტმა ღონისძიებაში - „ექსპო -ახალგაზრდული სერვისები“ მიიღო მონაწილეობა. ბსუ-ს წარმომადგენლებმა სკოლის მოსწავლეებს გააცნეს უნივერსიტეტის საბაკალავრო და პროფესიული საგანმანათლებლო პროგრამები, სტუდენტური ცხოვრება, სტიპენდიები, გაცვლითი პროგრამები და ის მრავალფეროვანი შესაძლებლობები, რომლებსაც უნივერსიტეტი მომავალ სტუდენტებს სთავაზობს.
ბათუმის შოთა რუსთაველის სახელმწიფო უნივერსიტეტში გერმანიის, ავსტრიისა და შვეიცარიის საელჩოს, ასევე DAAD-ისა და გოეთეს ინსტიტუტის ორგანიზებით „გერმანული ენის დღე“ გაიმართა. ღონისძიების მონაწილეებსა და დამსწრე საზოგადოებას ბსუ-ს რექტორის მოადგილე თამარ სირაძე და ორგანიზატორი ინსტიტუციების წარმომადგენლები მიესალმნენ.
ბათუმის შოთა რუსთაველის სახელმწიფო უნივერსიტეტი ღრმა მწუხარებას გამოთქვამს ბსუ-ს ყოფილი რექტორის, პროფესორის, აღიარებული მათემატიკოსის, ფიზიკა-მათემატიკის მეცნიერებათა დოქტორის, ქართული მათემატიკური სკოლის ღირსეული წევრის, გეომეტრიული ტოპოლოგიის ცნობილი მკვლევრის, მათემატიკის დეპარტამენტის ხელმძღვანელის, მრავალი თაობის აღმზრდელის ვლადიმერ ბალაძის გარდაცვალების გამო.
