ახალი ამბები

ბათუმის შოთა რუსთაველის სახელმწიფო უნივერსიტეტში მასშტაბური „დასაქმების ფორუმი“ გაიმართა. ფორუმზე რეგიონში მოქმედი 80-მდე კომპანია 300-ზე მეტი ვაკანსიით და 2000-მდე სამუშაო ადგილით იყო წარმოდგენილი. ფორუმი ბსუ-ს რექტორმა ტიტე აროშიძემ, აჭარის დასაქმების სააგენტოს დირექტორმა თემურ კახიძემ, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე გიორგი ცაგარეიშვილმა, აჭარის უმაღლესი საბჭოს ჯანმრთელობის დაცვისა და სოციალურ საკითხთა კომიტეტის თავმჯდომარე ილია ვერძაძემ, ჯანმრთელობისა და სოციალური დაცვის მინისტრმა ნინო ნიჟარაძემ და აჭარის განათლებისა და სპორტის მინისტრმა მაია ხაჯიშვილმა გახსნეს.

ბსუ-ს აკადემიური საბჭოს გასვლითი სხდომა ქობულეთში, უნივერსიტეტის ფიტოპათოლოგიისა და ბიომრავალფეროვნების ინსტიტუტში გაიმართა.
საბჭოს წევრებმა დღის წესრიგით გათვალისწინებული მიმდინარე საკითხები განიხილეს. აკადემიური საბჭოს სხდომას ასევე ესწრებოდნენ ადმინისტრაციის ხელმძღვანელი მერაბ დიასამიძე, რექტორის მოადგილე თამარ სირაძე, ფაკულტეტების დეკანები და სტრუქტურული ერთეულების წარმომადგენლები. სხდომის დასრულების შემდეგ, მონაწილეები გაეცნენ ინსტიტუტის საქმიანობას, მიმდინარე სამეცნიერო პროექტებსა და კვლევით ინფრასტრუქტურას.

ბათუმის შოთა რუსთაველის სახელმწიფო უნივერსიტეტში ემერიტუს-პროფესორის, ცნობილი ფსიქოლოგისა და მეცნიერის, მომავალი თაობების აღმზრდელის, ნოდარ ბარამიძის 80 წლის იუბილე აღინიშნა.

1-5 ივნისს, ბათუმის შოთა რუსთაველის სახელმწიფო უნივერსიტეტი მასპინძლობს საერთაშორისო საზაფხულო სკოლას - „კულტურისა და მასპინძლობის გამოწვევები ტურიზმში: ბათუმის კარტოგრაფირება ტურისტული მიზნებისთვის (USE-IT)”. საზაფხულო სკოლა ბსუ-ს რექტორმა ტიტე აროშიძემ და სომხეთის გენერალურმა კონსულმა, ნარინე მათოსიანმა გახსნეს.

ბათუმში მესამე საერთაშორისო სამეცნიერო კონფერენცია გაიმართა თემაზე: „სპორტული მედიცინა ათლეტთა ჯანმრთელობისა და მიღწევებისთვის“. კონფერენცია საქართველოს სპორტული მედიცინის ასოციაციის, სპორტული მედიცინისა და მეცნიერების აკადემიის, ბათუმის შოთა რუსთაველის სახელმწიფო უნივერსიტეტისა და აღმოსავლეთ-დასავლეთ უნივერსიტეტის თანაორგანიზებით ჩატარდა. ღონისძიება საქართველოს სპორტის სამინისტროსა და აჭარის განათლებისა და სპორტის სამინისტროს მხარდაჭერით გაიმართა.