ახალი ამბები

კომუნიკაციების კომისიამ (ComCom), პარტნიორ უნივერსიტეტებთან გაფორმებული მემორანდუმის ფარგლებში, ბათუმის შოთა რუსთაველის სახელმწიფო უნივერსიტეტის სტუდენტებთან მედიაწიგნიერებისა და მომიჯნავე საკითხების შესახებ თეორიულ-პრაქტიკული ვორქშოფი გამართა, რომელსაც ComCom-ის მედიაწიგნიერების განვითარების დეპარტამენტის წარმომადგენელი, მარიამ გუგულაშვილი უძღვებოდა.

ბათუმის შოთა რუსთაველის სახელმწიფო უნივერსიტეტის რექტორი ტიტე აროშიძე აჭარის ა.რ. სოფლის მეურნეობის მინისტრს დენის სალუქვაძეს შეხვდა. გაცნობითი ხასიათის შეხვედრაზე მხარეებმა სამომავლო თანამშრომლობის საკითხები განიხილეს. განსაკუთრებული ყურადღება დაეთმო სამინისტროს პროგრამების შემუშავებაში უნივერსიტეტის აკადემიური პერსონალის ჩართულობას და ტექნოლოგიური ფაკულტეტის სტუდენტების მონაწილეობას სამინისტროს დაქვემდებარებულ ორგანიზაციებში.

ბსუ-ში „Erasmus+“ პროექტის ETHICS ფარგლებში, კვლევის ეთიკის კვირეული ეგიდით, ზოგადი განათლების დაწყებითი საფეხურის მასწავლებლის მომზადების ინტეგრირებული საბაკალავრო-სამაგისტრო და მასწავლებლის მომზადების საგანმანათლებლო პროგრამების სტუდენტებისთვის ჩატარდა ინტერაქციული ლექციები თემაზე - „ხელოვნური ინტელექტის გამოყენება კვლევაში“.

ბათუმის შოთა რუსთაველის სახელმწიფო უნივერსიტეტს ართვინის ჭოროხის უნივერსიტეტის დელეგაცია ეწვია. დელეგაციის შემადგენლობაში იყვნენ ართვინის ჭოროხის უნივერსიტეტის რექტორი იბრაჰიმ აიდინი, რომელიც ექვსი თვის წინ შეუდგა თანამდებობაზე მუშაობას, საერთაშორისო ურთიერთობების კოორდინატორი ჰაკან გიულტეკინი და ბსუ-ს ყოფილი დოქტორანტი ალი ქესკინი, რომელმაც წარმატებით დაიცვა დისერტაცია.

ბათუმის შოთა რუსთაველის სახელმწიფო უნივერსიტეტში ვეტერანთა დღე რამდენიმე ღონისძიებით აღინიშნა. სტუდენტების მონაწილეობით ტურნირი ჩატარდა სპორტის სხვადასხვა სახეობაში, ასევე გაიმართა შეჯიბრი ვეტერანების შვილებს შორის, გამარჯვებულებს კი სიმბოლური საჩუქრები გადაეცათ.