კონფერენციები

2021 წლის 3 აპრილს ბათუმის შოთა რუსთაველის სახელმწიფო უნივერსიტეტისა და აჭარის ა.რ. განათლების, კულტურისა და სპორტის სამინისტროს თანამშრომლობის ფარგლებში გაიმართება მოსწავლეთა მეოთხე სამეცნიერო ვიდეოკონფერენცია თემაზე: „ახლო აღმოსავლეთი და საქართველო“. კონფერენცია პროექტის „უნივერსიტეტი - სკოლას“ ეგიდით ტარდება და მოხსენებები წარმოდგენილი იქნება შემდეგი მიმართულებით: ახლო აღმოსავლეთისა და საქართველოს ისტორიული, ეთნოგრაფიული და არქეოლოგიური ურთიერთობები და ახლო აღმოსავლეთისა და საქართველოს კულტურული, ენობრივი და ლიტერატურული ურთიერთობები.

19 ნოემბერს, 09:00 სააათზე, სეზონური სკოლა „სკოლამდელი განათლების საბაკალავრო საგანმანათლებლო პროგრამის სასწავლო და პრაქტიკული კომპონენტების განვითარება“ გაიხსნება. ერთკვირიანი სკოლის მიზანია, ხელი შეუწყოს საქართველოს სახელმწიფო უნივერსიტეტებში სკოლამდელი განათლების საბაკალავრო საგანმანათლებლო პროგრამების შინაარსობრივ და მეთოდოლოგიურ განვითარებას. აჭარის ა.რ. განათლების, კულტურისა და სპორტის სამინისტროს პროგრამის „უმაღლესი განათლების“ ქვეპროგრამის „უმაღლესი განათლების ხელშეწყობა“ ფარგლებში დაფინანსებულ სეზონურ სკოლას ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტი ახორციელებს.

თსუ-ს სოციალურ და პოლიტიკურ მეცნიერებათა ფაკულტეტი აცხადებს აბსტრაქტების მიღებას სტუდენტთა მე-80 საუნივერსიტეტო სამეცნიერო კოფერენციისთვის. სამეცნიერო სესიაში მონაწილეობა შეუძლია უმაღლესი საგანმანათლებლო დაწესებულებების სწავლების სამივე საფეხურის (ბაკალავრიატი, მაგისტრატურა და დოქტორანტურა) სტუდენტს. კონფერენციაზე იმუშავებს თემატური სექციები, მონაწილეებს გადაეცემათ სერტიფიკატები. სექციებიდან შეირჩევიან გამარჯვებული მომხსენებლები.

2020 წლის 8-9 ოქტომბერს გაიმართება, მე -11 საერთაშორისო სამეცნიერო და პრაქტიკული ინტერნეტ კონფერენცია თემაზე: „მეცნიერების თანამედროვე მოძრაობა". თემატიკა მოიცავს საერთაშორისო ელექტრონული სამეცნიერო და პრაქტიკული ჟურნალ "WayScience" -ს ყველა მიმართულებას.

ბელარუსიის ეროვნული ტექნოლოგიური უნივერსიტეტის და განათლების სწავლისა და მონიტორინგის ინტეგრირებული ფორმის ინსტიტუტის ორგანიზებით იმართება IV საერთაშორისო სამეცნიერო პრაქტიკული კონფერენცია „Ongoing system of education “School-University”. Innovations and prospects”. სამეცნიერო სესია ჩატარდება 29–30 ოქტომბერს, მინსკში. კონფერენციის მონაწილეთა რეგისტრაციის ბოლო თარიღია 2020 წლის 1-ელი ოქტომბერი.