ესეების კონკურსი თემაზე: "საქართველოს ევროპული ინტეგრაცია"

ა(ა)იპ „ეგერია სოლუშენსი“, კონრად ადენაუერის ფონდის მხარდაჭერით, აცხადებს ესეების კონკურსს უმაღლესი სასწავლებლების ბაკალავრიატის საგანმანათლებლო პროგრამის სტუდენტებისთვის თემაზე: ,,საქართველოს ევროპული ინტეგრაცია".

ონლაინ კონკურსი ტარდება პროექტის - „ახალგაზრდების ცნობიერების ამაღლება ევროინტეგრაციის შესახებ - გამოწვევები და პერსპექტივები“ ფარგლებში, რომლის მიზანია, ხელი შეუწყოს რეგიონებში მცხოვრები ახალგაზრდების ცნობიერების გაზრდას საქართველოს ევროპული ინტეგრაციის შესახებ. პროექტის ფარგლებში შემუშავდა სასწავლო კურსი საქართველოს ევროპული ინტეგრაციის შესახებ, რომელიც  უკვე  წარმატებით  დაინერგა  ოთხ  უმაღლეს  სასწავლებელში:  ქუთაისის აკაკი წერეთლის სახელმწიფო უნივერსიტეტი, შოთა მესხიას ზუგდიდის სახელმწიფო სასწავლო უნივერსიტეტი, იაკობ გოგებაშვილის სახელობის თელავის სახელმწიფო უნივერსიტეტი და სოხუმის სახელმწიფო უნივერსიტეტი.

კონკურსში მონაწილეობის მსურველებმა უნდა მოამზადონ ესე თემაზე - „ერთიანობა მრავალფეროვნებაში - სად არის საქართველოს ადგილი?“

კონკურსის სპეციალური ჟიური, რომლის შემადგენლობაში შედიან ეგერია სოლუშენსისა და კონრად ადენაუერის ფონდის წარმომადგენლები, გამოავლენს სამ საუკეთესო ნაშრომს. გამარჯვებული ნაშრომების ავტორები მიიღებენ პრიზებს:

I ადგილი - „ბიბლუსის“ 300 - ლარიანი წიგნების ვაუჩერი

II ადგილი - „ბიბლუსის“ 200-ლარიანი წიგნების ვაუჩერი

III ადგილი  - „ბიბლუსის“ 100 ლარიანი წიგნების ვაუჩერი

კ ო ნ კ უ რ ს შ ი   მ ო ნ ა წ ი ლ ე ო ბ ი ს   პ ი რ ო ბ ე ბ ი

ესეების კონკურსში მონაწილეობა შეუძლიათ ბათუმის შოთა რუსთაველის სახელმწიფო უნივერსიტეტის, ქუთაისის აკაკი წერეთლის სახელობის სახელმწიფო უნივერსიტეტის,  შოთა  მესხიას ზუგდიდის  სახელმწიფო  სასწავლო უნივერსიტეტის, იაკობ გოგებაშვილის სახელობის თელავის სახელმწიფო უნივერსიტეტის, სოხუმის სახელმწიფო უნივერსიტეტის, გორის სახელმწიფო სასწავლო უნივერსიტეტის, სამცხე-ჯავახეთის სახელმწიფო უნივერსიტეტის და ბათუმის სახელმწიფო საზღვაო აკადემიის და ბაკალავრიატის საგანმანათლებლო პროგრამის სტუდენტებს.