23-24 ივნისს თელავში, ევროკომისიის მიერ დაფინანსებული პროექტის - „კვლევის პასუხისმგებლიანად წარმართვა ქართულ უნივერსიტეტებში – კვლევის კეთილსინდისიერება და ეთიკა“ (ETHICS-Erasmus +) ეროვნული სამუშაო შეხვედრა გაიმართა. პროექტის ძირითადი მიზანია უნივერსიტეტებში კვლევის ეთიკისა და კეთილსინდისიერების მიმართულებით არსებული მექანიზმების, პროცედურებისა და სერვისების გაუმჯობესება.
შეხვედრაში პროექტის პარტნიორი ათი უმაღლესი საგანმანათლებლო დაწესებულების, საქართველოს განათლების, მეცნიერებისა და ახალგაზრდობის სამინისტროს, განათლების ხარისხის განვითარების ეროვნული ცენტრისა და შოთა რუსთაველის საქართველოს ეროვნული სამეცნიერო ფონდის წარმომადგენლები მონაწილეობდნენ. ეროვნულ სამუშაო შეხვედრაში ბსუ-ს წარმოადგენდა: რექტორის მოადგილე პროფესორი თამარ სირაძე, ზუსტ მეცნიერებათა და განათლების ფაკულტეტის ასოცირებული პროფესორი თათია ნაკაშიძე-მახარაძე და სამეცნიერო კვლევების სამსახურის უფროსი თამარ მაჭუტაძე.
შეხვედრაზე საუნივერსიტეტო კვლევის კეთილსინდისიერების და ეთიკის საჭირო რესურსების პოლიტიკის დოკუმენტების, კვლევის კეთილსინდისიერებისა და ეთიკის საბჭოს ჩამოყალიბებისა და სერვისების შექმნა-გაუმჯობესების საკითხები განიხილეს.
| უკან |
