შოთა რუსთაველის საქართველოს ეროვნული სამეცნიერო ფონდის მიერ გამოცხადებულ კონკუსრებში ბსუ-ს პროფესორმა და დოქტორანტებმა გაიმარჯვეს.
2025 წლის გამოყენებითი კვლევების სახელმწიფო სამეცნიერო საგრანტო კონკურსში გაიმარჯვა პროექტმა:
„ფსევდოპროტეინული საკვები საფარით ზოგიერთი სუბტროპიკული ხილის ნაყოფის (ფეიხოა,ხურმა, ციტრუსი) პრეზერვაციის პროცესების პილოტური გამოცდა“
პროექტის ხელმძღვანელი: ბსუ-ს პროფესორი ალეკო კალანდია.
2025 წლის დოქტორანტურის საგანმანათლებლო პროგრამების დაფინანსების კონკურსში გამარჯვებული პროექტები:
1. „მცირე და საშუალო ბიზნესის (SMEs) გაციფრულების პროცესი საქართველოში - ციფრული ინსტრუმენტების გამოყენება კონკურენტუნარიანობის, ეფექტიანობისა და მდგრადობის უზრუნველსაყოფად“. ეკონომიკისა და ბიზნესის ფაკულტეტის, ბიზნესის ადმინისტრირების სადოქტორო საგანმანათლებლო პროგრამის დოქტორანტი - გიორგი აბაშიძე.
ხელმძღვანელი: ბსუ-ს პროფესორი ბადრი გეჩბაია.
კონსულტანტები: მარია კლდიაშვილი - საქართველოს ეროვნული უნივერსიტეტის ასოცირებული პროფესორი, ოლჰა პროკოპენკო - ესტონეთის მეწარმეობისა გამოყენებით მეცნიერებათა უნივერსიტეტის მკვლევარი, ჟანეტა სიმანავიჩიენე - მიკოლას რომერის უნივერსიტეტის პროფესორი.
2. „აკვაკულტურის მეურნეობების ეკონომიკური სიცოცხლისუნარიანობა და მდგრადობა საქართველოში: ბიზნეს მოდელის ანალიზი“. ეკონომიკისა და ბიზნესის ფაკულტეტის, ბიზნესის ადმინისტრირების სადოქტორო საგანმანათლებლო პროგრამის დოქტორანტი - ნესტან ვარშანიძე;
ხელმძღვანელი: ბსუ-ს პროფესორი ნათელა წიკლაშვილი.
კონსულტანტები: კუბრა - თურქეთის რეჯებ თაიფ ერდოღანის უნივერსიტეტის პროფესორი, ნატალია ვდოვენკო - უკრაინის სიცოცხლის შემსწავლელი და
გარემოსდაცვითი მეცნიერებების ეროვნული უნივერსიტეტის პროფესორი.
ბათუმის შოთა რუსთაველის სახელმწიფო უნივერსიტეტი პროფესორებსა და დოქტორანტებს ულოცავს მნიშვნელოვან გამარჯვებას და წარმატებებს უსურვებს.
| უკან |
