ბსუ-ს იურიდიული დეპარტამენტი
ბსუ-ს საქმისწარმოების სამსახური (კანცელარია) არის ბსუ-ს დამხმარე სტრუქტურული ერთეული, რომელიც საქმიანობას წარმართავს საქართველოს კანონმდებლობის, მათ შორის ,,უმაღლესი განათლების შესახებ“ საქართველოს კანონის, უნივერსიტეტის წესდების, ეთიკის კოდექსის, პერსონალის მართვის პოლიტიკის, შინაგანაწესის, ბსუ-ში პერსონალურ მონაცემთა დაცვის პოლიტიკის, წინამდებარე დებულებისა და უნივერსიტეტის მართვის ორგანოების სხვა სამართლებრივი აქტების მოთხოვნათა დაცვით.
იურიდიული დეპარტამენტის ქვესტრუქტურული ერთეულებია:
ა) სამართლებრივი უზრუნველყოფის განყოფილება;
ბ) სამართალშემოქმედებისა და წარმომადგენლობითი საქმიანობის განყოფილება.
იურიდიული დეპარტამენტის ფუნქციებია:
ა) უნივერსიტეტის საქმიანობის სამართლებრივი უზრუნველყოფა (სამართლებრივი აქტების პროექტების ინიცირება, უნივერსიტეტის სტრუქტურული ერთეულებიდან წარმოდგენილი სამართლებრივი აქტების პროექტების ვიზირება/შეთანხმება/სამართლებრივი დასკვნების მომზადება/რედაქტირება; უნივერსიტეტის სტრუქტურული ერთეულების მომართვის საფუძველზე მათი სამართლებრივი მხარდაჭერა (კონსულტაციის გაწევა, პროექტების მომზადება-რედაქტირება), მათ შორის სტუდენტების და პროფესიული სტუდენტების უფლებების და კანონიერი ინტერესების დაცვის მიმართულებით და სხვა);
ბ) სამართალშემოქმედებითი საქმიანობა (უნივერსიტეტის სამართლებრივი აქტების უპირატესი იურიდიული ძალის მქონე ნორმატიულ აქტებთან შესაბამისობის უზრუნველყოფა; უნივერსიტეტის სამართლებრივი აქტების (რეგულაციების) კოდიფიცირება; უნივერსიტეტის ვებგვერდზე იურიდიული ცნობარის პერიოდული განახლებისათვის სამსახურებრივი ბარათების წარდგენა; უნივერსიტეტის პერსონალის მართვის პოლიტიკის დოკუმენტის, ბსუ-ს სტრუქტურული ერთეულების დებულებების, პერსონალის ფუნქციათა აღწერილობების/ საკვალიფიკაციო მოთხოვნების შესახებ სამართლებრივი აქტების პროექტების მომზადებაში უნივერსიტეტის ადამიანური რესურსების მართვაზე პასუხისმგებელ სტრუქტურულ ერთეულის სამართლებრივი მხარდაჭერა);
გ) საჯარო ინფორმაციის ხელმისაწვდომობის უზრუნველყოფის პროცესში უნივერსიტეტის შესაბამისი პასუხისმგებელი პირების სამართლებრივი მხარდაჭერა;
დ) უნივერსიტეტში გასაფორმებელი ხელშეკრულებების, მემორანდუმებისა და შეთანხმებების პროექტების ვიზირება/რედაქტირება/შეთანხმება ან/და სამართლებრივი დასკვნების მომზადება;
ე) უნივერსიტეტის წარმომადგენლობითი საქმიანობა: საერთო სასამართლოებში, აღსრულების ეროვნულ ბიუროში ან/და სხვა ადმინისტრაციულ ორგანოში/დაწესებულებაში უნივერსიტეტის წარმომადგენლის ფუნქციის შესრულება, უნივერსიტეტის უფლებამოსილი პირის მიერ გაცემული მინდობილობის საფუძველზე;
ვ) სარჩელის, საჩივრის/განცხადების და შესაგებელის პროექტების, ასევე თანდართული დოკუმენტების წარსადგენად მომზადება (სასამართლოში, აღსრულების ბიუროში ან/და სხვა დაწესებულებაში) და დადგენილ ვადებში და წესის შესაბამისად წარდგენა;
ზ) დეპარტამენტის კომპეტენციის ფარგლებში უნივერსიტეტის საქმისწარმოების სისტემაში წარმოდგენილი განცხადებების/წერილების პასუხების მომზადება ან/და განხილვაში მონაწილეობა;
თ) დეპარტამენტის კომპეტენციის ფარგლებში საქართველოს კანონმდებლობით და უნივერსიტეტის სამართლებრივი აქტებით განსაზღვრული სხვა ფუნქციების შესრულება.
ბსუ-ს იურიდიული დეპარტამენტის საკონტაქტო ინფორმაცია:
დეპარტამენტის უფროსი: ჟანა ჯიბლაძე
ელ. ფოსტა: zhanajibladze@gmail.com
მისამართი: ქ. ბათუმი, ნინოშვილის/რუსთაველის ქ. №35/32, კორპუსი I, პირველი სართული, ოთახი № 3, №14.
სამუშაოთა აღწერილობა ძირითადი საკვალიფიკაციო მოთხოვნები ბსუ-ს იურიდიული დეპარტამენტის დებულება| უკან |
