მიმდინარე წლის 17 ივნისს ჩატარდა ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის ასოცირებული პროფესორის, ბესიკ ბოლქვაძის წიგნის - „ლათინური წარმოშობის ეკონომიკურ ტერმინთა ლექსიკონი“ - პრეზენტაცია.
ნაშრომი წარმოადგენს ეკონომიკური ტერმინების ლათინური ეტიმოლოგიის დადგენისა და სისტემატიზაციის მცდელობას, რომელშიც გამოკვლეულია ქართულ ეკონომიკურ სამეცნიერო ველში დამკვიდრებული და გამოყენებული 700-ზე მეტი ტერმინის ლათინური საწყისები. ის წარმოდგენილია განმარტებითი ლექსიკონის ფორმით და მოიცავს ეკონომიკურ ტერმინებს ფუნქციონალური სფეროების მიხედვით.
ნაშრომში ასევე განხილულია ანტიკური რომის ეკონომიკის საკვანძო საკითხები. წიგნი გარკვეულ დახმარებას გაუწევს მეცნიერ-ეკონომისტებსა და სტუდენტებს, აგრეთვე ეტიმოლოგიური საკითხებით დაინტერესებულ მკითხველს.
სახელმძღვანელოს პრეზენტაციას ესწრებოდნენ ბსუ-ს რექტორი ბატონი ტიტე აროშიძე, ფაკულტეტის პერსონალი და სტუდენტები.
| უკან |
