ევროპის საბჭოსა და ევროკავშირის ერთობლივი პროექტის ფარგლებში დაიწყო HISTOLAB Fellowship-თვის განაცხადების მიღება, რომლის მიზანია ხელი შეუწყოს ინოვაციას ისტორიის სწავლებაში ევროსაბჭოს ღირებულებებისა და სტანდარტების შესაბამისად (https://www.coe-histolab.eu/activities/histolab-fellowship). HISTOLAB Fellowship მიზნად ისახავს კვლევისა და ისტორიის სწავლებაში ინოვაციებთან დაკავშირებული აკადემიური სტატიების შექმნის თანადაფინანსებას. აპლიკაციის წარდგენა შეუძლიათ დოქტორანტებსა და ასევე, ისტორიის სწავლებაში ჩართულ პირებს.

UNESCO აცხადებს კონკურსს გრანტის - „Silk Roads Youth research Grant – Reinforcing the Capacity and Contribution of Young Researchers to the Silk Roads“ მოსაპოვებლად. გრანტი განკუთვნილია 35 წლამდე ახალგაზრდებისთვის. განაცხადების წარდგენა შესაძლებელია მიმდინარე წლის 31 მაისამდე. დეტალური ინფორმაცია კრიტერიუმებთან და წარდგენის პირობებთან დაკავშირებით განთავსებულია UNESCO-ს ოფიციალური ვებგვერდის შემდეგ ბმულზე: Silk Roads Youth Research Grant | Silk Roads Programme (unesco.org). დეტალურ ინფორმაციას საგრანტომ პროგრამის შედახებ გაეცანით დანართში.

„ჰორიზონტ ევროპის“ საინფორმაციო შეხვედრა გაიმართა ბათუმის შოთა რუსთაველის სახელმწიფო უნივერსიტეტში. პროფესორ-მასწავლებლებს, მკვლევრებს, დოქტორანტებსა და ადმინისტრაციის წარმომადგენლებს პროგრამის ეროვნულმა საკონტაქტო პირებმა (NCP) ისეთი მნიშვნელოვანი საკითხები გააცნეს, როგორებიცაა: მარია სკლადოვსკა კიურის აქციების ფარგლებში დაგეგმილი სამეცნიერო საგრანტო დაფინანსებების შესაძლებლობები, ჰორიზონტ ევროპის II სვეტის კლასტერები, კერძოდ, ჯანდაცვის, კულტურის, სამოქალაქო უსაფრთხოების, დიგიტალური ტექნოლოგიების, კლიმატის, სურსათის, სოფლის მეურნეობის და სხვა მიმართულებები.

ჯეიდის გამოყენებითი მეცნიერებათა უნივერსიტეტი (გერმანია) იწვევს აკადემიურ და ადმინისტრაციულ პერსონალს საერთაშორისო კვირეულში: "ერაზმუსი" - შანსები და გამოწვევები" მონაწილეობის მისაღებად. კვირეული გაიმართება 2023 წლის 24-დან 28 აპრილს. კვირეულის განმავლობაში პერსონალს შესაძლებლობა ექნება შეხვდეს სხვადასხვა დეპარტამენტის კოლეგებს, გაეცნოს მათ სამუშაო სფეროებს, ასევე მიმდინარე საერთაშორისო პროექტებს და მიიღოს მონაწილეობა ლექციებში. საერთაშორისო კვირეულში მონაწილეობა უფასოა, ხოლო მგზავრობის, ცხოვრების, კვების და ექსკურსიის ხარჯები თავად მონაწილემ უნდა დაფაროს.

2023 წლის 5 და 6 ივნისს ამერიკის კათოლიკური უნივერსიტეტის ღირებულებათა და ფილოსოფიის კვლევების საბჭოს და საქართველოს უნივერსიტეტის ორგანიზებით გაიმართება საერთაშორისო კონფერენცია სახელწოდებით „ტექნოლოგიები და სოციალური პასუხისმგებლობა“. წარმოდგენილი მასალები დაიბეჭდება აშშ-ში რეფერირებად, რეცენზირებად სამეცნიერო კრებულში.