ჯანმრთელი ელენთის ტრავმული დაზიანების მკურნალობის ძირითადი ტაქტიკა ქირურგიული ჩარევაა, ხოლო მეთოდს კი სპლენექტომია წარმოადგენს, რომელიც დღეისათვის ქირურგიული ჩარევის პრაქტიკულად ერთადერთ საშუალებად ითვლება, რასაც სანდო ჰემოსტაზითა და ოპერაციული ტექნიკის სიმარტივით ხსნიან. დღეისათვის გახშირდა ელენთის ქსოვილის შენარჩუნების მცდელობა, ტოტალური სპლენექტომიის უარყოფითი შედეგების თავიდან აცილების მიზნით.

არტერიული ჰიპერტენზიის გამოსავლენად აუცილებელია არტერიული წნევის გაზომვის დროს წარმოქმნილი მეთოდიკური სიძნელეების გადალახვა, როგორიცაა: წნევათა ასიმეტრია, აუსკულტაციური ჩავარდნა, თეთრი ხალათის ჰიპერტენზია, უსასრულო დიასტოლური ტონი, სისტოლური ფსევდოჰიპერტენზია იზოლირებული სისტოლური ჰიპერტენზიის დროს და ა.შ. არტერიული წნევის ზუსტი გაზომვის სიძნელეებს ქმნის, აგრეთვე, მოციმციმე არიტმია, ხშირი ექსტრასისტოლია და არასრული მეორე ხარისხის ატრიოვენტრი-კულური ბლოკადა.

თანამედროვე ქართული ენის სინტაქსში რამდენიმე სადავო საკითხია, ჩვენ მხოლოდ ორს შევეხებით, ესაა: ა) პრედიკატული განსაზღვრების საკითხი და ბ) -ში თანდებულიანი საწყისებისა და აბსტრაქტული სახელების სინტაქსური კვალიფიკაციის საკითხი. პრედიკატული განსაზღვრებას, როგორს წინადადების წევრს, არაერთი ენათმეცნიერი შეეხო და თავისებურად განსაზღვრა სახელობითში დასმული ვნებითი გვარის მიმღეობის სინტაქსური ფუნქცია. საუბარია ისეთ ფორმებზე, როგორიცაა: ბავშვი დაბნეული იყურებოდა აქეთ–იქით; ნიკო მორიდებული იდგა მამის წინ; მოხუცი ნაღვლიანი ისმენდა საუბარს; პაპა სახლში დაღონებული დაბრუნდა.

საბაზრო ეკონომიკაზე გადასვლასთან ერთად ძირეულად უნდა გარდაიქმნას საზოგადოებრივი ურთიერთობები, რომელიც მოიცავს არა მარტო საკუთრების, არამედ საწარმოო ურთიერთობათა სხვა ფორმებსაც. მათ შორის ერთ-ერთი მნიშვნელოვანია სოფლის მეურნეობაში ეკონომიკური პროცესების ორგანიზაცია, რომლის შემადგენელ ნაწილსაც წარმოადგენს საწარმოთა ორგანიზაციულ- სამართლებრივი ფორმები, მათი სწორად შერჩევა, დაფუძნება და ოპტიმალურად ფუნქციონირების პირობების შექმნა.

საქართველოს გეოპოლიტიკური მდებარეობა განაპირობებს მის მნიშვნელოვან როლს, ჩაერთოს კასპიის ზღვის ენერგორესურსების (ნავთობი, ბუნებრივი აირი) ტრანსპორტირებაში. ეს ერთის მხრივ ხელსაყრელია საქართველოსათვის, რადგან მტკიცდება მისი სატრანზიტო ფუნქცია და იზრდება პოლიტიკური უსაფრთხოება, მეორეს მხრივ, ევროპა ნაკლებად დამოკიდებული ხდება რუსულ ნავთობსა და გაზზე. მნიშვნელოვანია მისი ეკონომიკური შედეგიც: ნავთობის ტრანზიტიდან საქართველოს საშუალოდ ყოველწლიურად რჩება 350 მლნ.ლარი.