7 ივნისს,15:00-17:00 საათზე, „ჰორიზონტი ევროპა“ საქართველოს ეროვნული ოფისის ორგანიზებით, გაიმართება ევროპის ინოვაციებისა და ტექნოლოგიების ინსტიტუტის (EIT) საინფორმაციო დღე. ღონისძიება ეძღვნება ევროპის ინოვაციების უდიდესი პარტნიორული ქსელის მიერ გამოცხადებული კონკურსების მიმოხილვას ბიზნესის, კვლევისა და უმაღლესი განათლების სფეროს ინოვაციების კომერციალიზაციის მიმართულებით.

29 აპრილს იტალიის კვლევისა და ინოვაციების მხარდამჭერი სააგენტოს (APRE) და სალენტოს უნივერსიტეტის (იტალია) ორგანიზებით გაიმართება ღონისძიება, რომლის მიზანია ჰორიზონტი ევროპის პროგრამის ფარგლებში ევროპის და საერთაშორისო დონეზე თანამშრომლობის დამყარება. ღონისძიების ფარგლებში პოტენციურ აპლიკანტებს თანამშრომლობისთვის იდეებისა და ექსპერტიზის გაცვლისა და შეთავაზების შესაძლებლობა ექნებათ. სალენტოს უნივერსიტეტის 6 კვლევითი ჯგუფი წარდგება პრეზენტაციით შემდეგ თემებზე: ჯანმრთელობა- სამედიცინო რობოტიკა, ნეირო-ფიზიო-რეაბილიტაცია, ბიომექანიკური სტრესი, კოვიდის შემდგომი და კოვიდის ხანგრძლივი მოვლა, თერანოსტიკა (თერაპია და დიაგნოსტიკა).

ინდონეზიის განათლების, კულტურის, კვლევისა და ტექნოლოგიების სამინისტრო აცხადებს სასტიპენდიო პროგრამებს 2024/2025 აკადემიური წლისთვის. აღნიშნული სასტიპენდიო პროგრამები მოიცავს საბაკალავრო, სამაგისტრო და სადოქტორო საფეხურის სასწავლო პროგრამებს ინდონეზიის რესპუბლიკის სხვადასხვა უმაღლეს საგანმანათლებლო უნივერსიტეტებში. სასტიპენდიო პროგრამით დაინტერესების შემთხვევაში გთხოვთ, იხილოთ დანართი.

27 თებერვალს 5:00 საათზე „ჰორიზონტი ევროპას“ საქართველოს ეროვნული ოფისის ორგანიზებით, გაიმართება ონლაინ საინფორმაციო შეხვედრა ინტელექტუალური საკუთრების მართვის საკითხებზე. თემაზე სასაუბროდ მოწვეული არიან ევროკომისიის ექსპერტები.

2024 წლის 12 მარტს გაიმართება ვორქშოპი ჯანმრთელობის NCP ქსელის (HNN3.0) ორგანიზებით. ვორქშოპი განკუთვნილია აპლიკანტებისთვის, ვინც გეგმავს საკონკურსო განაცხადის წარდგენას ჯანმრთელობის საკონკურსო თემებზე (დედლაინით 2024 წლის აპრილი). ჯანმრთელობის კლასტერის კონკურსის აპლიკანტებთან ერთად, IHI call 6 & 7 კონკურსის აპლიკანტებსაც შეუძლიათ ღონისძიებაში მონაწილეობა, თუმცა IHI საკონკურსო წესების სპეციფიკა განხილული არ იქნება.