ბათუმის შოთა რუსთაველის სახელმწიფო უნივერსიტეტს „საზღვარგარეთ მცხოვრები თურქებისა და მონათესავე თემების“ ხელმძღვანელობა ეწვევა.სტუმრები ბსუ-ს სტუდენტებს გააცნობენ თურქეთის სასტიპენდიო პროგრამებს.შეხვედრა ჩატარდება 2 დეკემბერს, 14:00 საათზე, 32-ე აუდიტორიაში.
საქართველოს ინოვაციების და ტექნოლოგიების სააგენტო „ტექნოლოგიების გადაცემის პროგრამის“ ფარგლებში აცხადებს განაცხადების მიღებას. „ტექნოლოგიების გადაცემის პროგრამის“ მიზანია ხელი შეუწყოს ისეთი სამეცნიერო პროექტების კომერციალიზაციას, რომლებიც პასუხობს ბაზრის საჭიროებებს. პროგრამის ფარგლებში შეირჩევა კომერციალიზაციის პოტენციალის მქონე ტექნოლოგიები/ინოვაციები. შეფასებისთვის მიიღება მხოლოდ ისეთი კვლევითი პროექტები, რომლებიც არიან ტექნოლოგიური მზაობის TRL4 და შემდეგ დონეზე. შეფასებისთვის მიღებული პროექტების დეტალურ შესწავლას განახორციელებენ კვალიფიციური და შესაბამისი გამოცდილების მქონე ადგილობრივი და უცხოელი ექსპერტები.
ბათუმის შოთა რუსთაველის სახელმწიფო უნივერსიტეტს უნგრეთის ელჩი საქართველოში ანა მარია შიკო ეწვევა. ელჩი ბსუ-ს სტუდენტებს წაუკითხავს საჯარო ლექციას თემაზე: „უნგრეთი და ევროინტეგრაცია“. ასევე, ისაუბრებს უნგრეთის სამთავრობო სტიპენდიებზე.შეხვედრა წარიმართება ინგლისურ ენაზე.
ლექციის ჩატარების თარიღი და დრო: 25 ნოემბერი, 11:30 საათი, 32-ე აუდიტორია.
