7 დეკემბერს, 17:00 საათზე, ბათუმის შოთა რუსთაველის სახელმწიფო უნივერსიტეტში, 328-ე აუდიტორიაში ილიას სახელმწიფო უნივერსიტეტის პროფესორის, ფილოსოფოს ლაშა ბაქრაძის საჯარო ლექცია გაიმართება თემაზე: „ტოტალიტარიზმი და ხელოვნება“. ღონისძიება აჭარის ა.რ. განათლების, კულტურისა და სპორტის სამინისტროს უმაღლესი განათლების ხელშეწყობის ქვეპროგრამის ფარგლებში ჩატარდება.
3-4-5 დეკემბერს, 14:00 საათზე, ბათუმის შოთა რუსთაველის სახელმწიფო უნივერსიტეტში, 32-ე აუდიტორიაში ფილოლოგიის დოქტორი ცირა ბარბაქაძე წაიკითხავს საჯარო ლექციის ციკლს თემაზე: „ცნობიერების (რ)ევოლუცია და ახალი რიტორიკა“. ღონისძიება აჭარის ა.რ. განათლების, კულტურისა და სპორტის სამინისტროს უმაღლესი განათლების ხელშეწყობის ქვეპროგრამის ფარგლებში გაიმართება.
30 ნოემბერს ბათუმის შოთა რუსთაველის სახელმწიფო უნივერსიტეტში, 407-ე აუდიტორიაში, 10:00 საათზე დაიწყება სამდღიანი ტრენინგები თემებზე: „ჯგუფური ფსიქოგანათლება მძიმე ფსიქიკური აშლილობის მქონე პაციენტებისათვის“ და „კოგნიტური ფუნქციების ტრენინგი ფსიქიკური აშლილობების მქონე პაციენტებისათვის“. ექიმი–ფსიქიატრი მარინე კურატაშვილი ჯგუფური ფსიქოგანათლების ტრენინგზე მსმენელებს გააცნობს მძიმე ფსიქიკური აშლილობების მქონე პაციენტებთან ჯგუფური თერაპიის ჩატარების ზოგად წესებს.
27 ნოემბერს, 12:00 საათზე, ბათუმის შოთა რუსთაველის სახელმწიფო უნივერსიტეტში (328 აუდიტორია), გაეროს ადამიანის უფლებათა უმაღლესი კომისრის ექსპერტები გიორგი მშვენიერაძე და გიორგი ჩხეიძე წაიკითხავენ საჯარო ლექციას თემაზე: „ადამიანის უფლებათა საყოველთაო დეკლარაცია და ადამიანის უფლებების მნიშვნელობა“.
