ბსუ-ს აგრარული და მემბრანული ტექნოლოგიების ინსტიტუტის აგრარული და კვების პროდუქტების ტექნოლოგიების განყოფილების მეცნიერ-თანამშრომლები ატარებენ სამეცნიერო-კვლევით სამუშაოებს აჭარაში გავრცელებული ენდემური და ინტროდუცირებული ვაზის პერსპექტიული ჯიშებისა და ფორმების კოლექციის შემქნის და მიღებული ყურძნისაგან ღვინისა და სხვა ალტერნატიული პროდუქტების წარმოების ტექნოლოგიების მისაღებად. კვლევები მიმდინარეობს ქედის მუნიციპალიტეტის ტერიტორიაზე მოყვანილი ჩხავერისა და ცოლიკოურის ვაზის ყურძენზე. კერძოდ, ტრადიციული ღვინის ტექნოლოგიაში გამოყენებული გოგირდოვანი ანჰიდრიდის (SO2) ნაცვლად ანტიოქსიდანტური, ანტიმიკრობული აქტივობის და მაკონსერვებელი თვისებების ადგილობრივი სუბტროპიკული ნედლეულის გამოყენებაზე, რომელიც ღვინოს ამდიდრებს მაღალი ღირებულების ბიოაქტიური ნაერთებით.

ბსუ-ს აგრარული და მემბრანული ტექნოლოგიების ინსტიტუტის აგრარული და კვების პროდუქტების ტექნოლოგიების განყოფილების მკვლევრები მანდარინის უნშიუს სახეობის ნაყოფის შენახვის უნარიანის ამაღლების მიზნით ექსპერიმენტს ატარებენ. ცდები აჭარის სოფლის მეურნეობის სამინისტროს აგროსერვის ცენტრის ჩაქვის ციტრუსოვანთა საკოლექციო ნაკვეთის ბაზაზე ხორციელდება. ექსპერიმენტი ითვალისწინებს საქართველოს საინჟინრო აკადემიის მიერ შემუშავებული სუფრის მარილის წყალხსნარის სინთეზით წარმოებული პრეპარატით მანდარინის ნაყოფის მოკრეფის წინა და მოკრეფის შემდგომი დამუშავებას, რაც მიზნად ისახავს ჩვეულებრივ პირობებში შენახვის უნარიანობის ამაღლებას, პათოგენური მიკროორგანიზმების მავნეობის და დანაკარგების შეცირებას.

ბსუ-ს აგრარული და მემბრანული ტექნოლიგიების ინსიტიტუტის მკვლევარებმა მუშაობა დაასრულეს შოთა რუსთაველის ეროვნული სამეცნიერო ფონდის სამეცნიერო პროექტზე „საქართველოში წარმოებული თაფლისა და ღვინის ქიმიური შედგენილობის შესწავლა მწს ქრომატოგრაფირებით, ადგილმდებარეობის და სახეობრივი პასპორტიზაციის წესების დასადგენად“. პროექტის მიზანი იყო საქართველოში მოყვანილი ავტოქთონური და სამეურნეო დანიშნულების პერსპექტული ჯიშის ყურძნის, მისგან დამზადებული ღვინის და მოწეული თაფლის კლასიკური ფიზიკო-ქიმიური და ორგანოლეპტიკური, OIV-International Methods of Analysis of Wines and Musts რეკომენდირებული მეთოდებით (მათ შორის მაღალი წნევის სითხური ქრომატოგრაფირების მეთოდის გამოყენებით) ბიოლოგიურად აქტიური ნაერთების შესწავლით პროდუქციის პასპორტიზაციის თეორიული და პრაქტიკული საფუძველის შექმნა.

ბათუმის შოთა რუსთაველის სახელმწიფო უნივერსიტეტში გაცვლითი პროგრამის ფარგლებში ზაარლენდის სახელმწიფო უნივერსიტეტის (გერმანია) დოქტორანტმა თამარა გაბოურ სადიმ შეასრულა საკვალიფიკაციო ნაშრომის ექსპერიმენტული ნაწილი და შეისწავლა საქართველოში გავრცელებული მსხლის ჯიშის „ხეჭეჭურის“ ნაყოფის ბიოაქტიური ნაერთები. მიღებული შედეგები გამოქვეყნდა სტატიის სახით MDPI-ის გამომცემლობის ჟურნალში “Sci”-ში. სტატიის გამოქვეყნების შემდეგ ჟურნალის თხოვნით ერთ-ერთ ნომრის გარე ყდაზე დაიწერა ინფორმაცია შემდეგი შინაარსით: „საქართველოში, განსაკუთრებით მის მთიანეთში, ხილის მრავალი ავტოქტონური ჯიშია შემორჩენილი. განსაკუთრებით საინტერესოა მსხლის საგვიანო ჯიშები, რომლებიც გვიან შემოდგომაზე იკრიფება და შესაბამის პირობებში შენახვის შემთხვევაში შესაძლებელია ერთ წლამდე შენახვა. ამ მხრივ უნიკალურ ჯიშს წარმოადგენს ხეჭეჭური. ტრადიციულად ნაყოფს ინახავდნენ ჭურში. მცენარე დაავადებების მიმართ კარგი გამძლეა და ნაყოფი გემრიელია სუსტი არომატით.

გარდაიცვალა ბათუმის შოთა რუსთაველის სახელმწიფო უნივერსიტეტის მემბრანული და აგრარული ტექნოლოგიების ინსტიტუტის აგრარული და კვების პროდუქტების ტექნოლოგიების განყოფილების უფროსი მეცნიერ-თანამშრომელი, ეკონომიკის დოქტორი ასლან დევაძე. ღვაწლმოსილმა მკვლევარმა მნიშვნელოვანი წვლილი შეიტანა აჭარაში ეკონომიკური თეორიის, რეგიონული და დარგობრივი კვლევების მიმართულებით. ასლან დევაძის სამეცნიერო-კვლევითი საქმიანობა დაკავშირებული იყო როგორც ზოგად თეორიული, ისე პრაქტიკული გამოყენებითი ღირებულებების მქონე პროექტებისა და პროგრამების შემუშავება-განხორციელებასთან.