შავი ზღვის დაცვის საერთაშორისო დღესთან დაკავშირებით ბათუმის ქართულ- ამერიკული სკოლის (გასბ-ი) სხვადასხვა კლასის მოსწავლეები ესტუმრნენ აგრარული მემბრანული ტექნოლოგიების ინსტიტუტს. მათ ზღვის წყლის გაფილტვრის მეთოდებზე ესაუბრნენ და ექსპერიმენტები ჩაუტარეს ინსტიტუტის მეციერ-თანამშრომელმა ჯეირან ფუტკარაძემ და ინსტიტუტის ტექნოლოგმა ნუკრი კურცხალიძემ. მოსწავლეებთან ერთად მოხდა ზღვის წყლის ფილტრაცია ელექტროდიალიზის მეთოდით, ამ დროს ხდება ზღვის წყლის გაუსნებოვნება და გაუმარილება.

ივ. ჯავახიშვილის თბილისის სახელმწიფო უნივერსიტეტში, შერეული ფორმატით ჩატარდა საერთაშორისო სამეცნიერო კონფერენცია „გეოფიზიკის აქტუალური პრობლემები“.
კონფერენციის ძირითადი მიზანი იყო - მეცნიერთა კავშირების დამყარება და განმტკიცება, სამეცნიერო კვლევების განვითარების პერსპექტივების განსაზღვრა, კონფერენციის თემის საკითხების მიმართ საშუალო და უმაღლესი სასწავლებლო დაწესებულებების სამეცნიერო-საგანმანათლებლო სფეროს გაუმჯობესების შესაძლებლობების გამოვლენა, საერთაშორისო სამეცნიერო თანამშრომლობის გაძლიერება.

აგრარული და მემბრანული ტექნოლოგიების ინსტიტუტის მეცნიერებმა ნინო კიკნაძემ, იამზე ჩხარტიშვილმა და ნინო მხეიძემ მონაწილეობა მიიღეს საერთაშორისო კონფერენციაში „მე-7 ევრაზიული კონფერენცია: RISK 2025–Risk-oriented Design and Operation of Infrastructure Systems: Sustainability Paradigm“ („ინფრასტრუქტურული სისტემების რისკზე ორიენტირებული დიზაინი და ექსპლუატაცია: მდგრადობის პარადიგმა“), რომელიც 21-23 ოქტომბერს ბაქოში, აზერბაიჯანის ნავთობისა და მრეწველობის სახელმწიფო უნივერსიტეტში გაიმართა.

ბათუმის შოთა რუსთაველის სახელმწიფო უნივერსიტეტის აგრარული და მემბრანული ტექნოლოგიების ინსტიტუტის თანამშრომლები: მთავარი მეცნიერი თანამშრომელი მერაბ არძენაძე და აგრონომი თეიმურაზ გორგილაძე მიმდინარე წლის 22 სექტემბრიდან 24 სექტემბრამდე სამეცნიერო მივლინებით იმყოფებოდნენ აჭარის მოსაზღვრე თურქეთის ტერიტორიაზე, ისტორიულ სამხრეთ საქართველოში.ექსპედიციის მიზანი იყო ძველი ქართული ადგილ-დასახელების სოფლებში შემორჩენილი ვაზის ენდემური ჯიშების და ფორმების მოძიება, საკოლექციო მასალის მოპოვება, მათი რეინტროდუქცია საქართველოში, შემდგომში კოლექციის გაშენებისა და ჯიშების იდენტიფიკაციის ჩასატარებლად ნარგაობის დაფუძნება.

აგრარული და მემბრანული ტექნოლოგიების ინსტიტუტის მკვლევრები - ნინო კიკნაძე და ნინო მხეიძე, მიმდინარე წლის 29 ივნისიდან 6 ივლისამდე მონაწილეობდნენ კომპლექსურ სასწავლო-სამეცნიერო ექსპედიციაში, ბსუ-ს საბუნებისმეტყველო მეცნიერებათა და ჯანდაცვის ფაკულტეტის ასოცირებულ პროფესორ ნანი გვარიშვილთან და ბსუ-ს ეკოლოგიის საბაკალავრო პროგრამის და ბიოლოგიის სამაგისტრო პროგრამის სტუდენტებთან ერთად.