„ერაზმუს+“-ის ადმინისტრაციული პერსონალის გაცვლითი პროგრამის ფარგლებში 1 აპრილს ბსუ-ში ვიზიტით იმყოფებოდა რუანის ნორმანდიის უნივერსიტეტის საერთაშორისო პროექტების განყოფილების მენეჯერი მაქსიმე ბლონდელი. სტუმარი გაეცნო უნივერსიტეტის სტრატეგიული განვითარებისა და საერთაშორისო ურთიერთობების დეპარტამენტის მუშაობის პრინციპებსა და სპეციფიკას, ასევე ისაუბრა სამომავლო თანამშრომლობაზე. მაქსიმე ბლონდელმა ჩაატარა საინფორმაციო შეხვედრა ბსუ-ს სტუდენტებსა და პროფესორ-მასწავლებლებთან, გააცნო მათ რუანის უნივერსიტეტში სწავლისა და ერაზმუს+ გაცვლით პროგრამაში მონაწილეობის პირობები.

ბათუმის შოთა რუსთაველის სახელმწიფო უნივერსიტეტი ბსუ-ს სტუდენტებისთვის აცხადებს ევროკომისიის მიერ დაფინანსებული „ერაზმუს+“-ის გაცვლითი პროგრამის განმეორებით კონკურსს ევროპის სხვადასხვა უნივერისტეტში მობილობის განსახორციელებლად 2024-2025 სასწავლო წლის შემოდგომა/გაზაფხულის სემესტრებისთვის (დეტალური ინფორმაცია იხილეთ დანართში 1).

8-12 აპრილს „ერაზმუს+“-ის აკადემიური პერსონალის გაცვლითი პროგრამის ფარგლებში, ბათუმის შოთა რუსთაველის სახელმწიფო უნივერსიტეტში ლიეტუვას ვიტაუტას მაგნუს უნივერსიტეტის, პოლიტიკური მეცნიერებისა და დიპლომატიის ფაკულტეტის ასოცირებული პროფესორი თომას ბლაშჩაკი იმყოფებოდა. ასოცირებულმა პროფესორმა თომას ბლაშჩაკმა ბსუ-ს იურიდიულ და სოციალური მეცნიერებათა ფაკულტეტის საერთაშორისო ურთიერთობების საბაკალავრო საგანმანათლებლო პროგრამის სტუდენტებისთვის საჯარო ლექცია წაიკითხა ლიეტუვის თანამედროვე საერთაშორისო ურთიერთობების აქტუალურ საკითხებზე, კონკრეტულად ლიეტუვისა და ბელორუსის ურთიერთობაზე.