ბათუმის შოთა რუსთაველის სახელმწიფო უნივერსიტეტში საერთაშორისო გაცვლითი პროგრამების წარდგენა გაიმართა. ბსუ-ს სტრატეგიული განვითარებისა და საერთაშორისო ურთიერთობების დეპარტამენტის უფროსმა მარინე გიორგაძემ და მთავარმა სპეციალისტმა ლელა თავართქილაძემ სხვადასხვა ფაკულტეტის საბაკალავრო, სამაგისტრო და სადოქტორო პროგრამების სტუდენტებს 2024-2025 სასწავლო წლისთვის გამოცხადებული „Erasmus+“-ის და სხვა გაცვლითი პროგრამები გააცნეს.

სლოვაკეთის სახელმწიფო ქართველი სტუდენტებისათვის აცხადებს სასტიპენდიო პროგრამებს 2024-2025 სასწავლო წლისათვის. სლოვაკეთის სახელმწიფოს ეროვნული სტიპენდიის პროგრამაში (National Scholarship Program) მონაწილეობა შეუძლიათ სტუდენტებს, ასევე უნივერსიტეტის ლექტორებსა და მკვლევრებს.

ბათუმის შოთა რუსთაველის სახელმწიფო უნივერსიტეტი, განათლების, მეცნიერებისა და ახალგაზრდობის სამინისტროს ფინანსური მხარდაჭერით, პირველად მონაწილეობდა საერთაშორისო განათლების ევროპული ასოციაციის (EAIE) ორგანიზებით ქ. ტულუზში (საფრანგეთი) 2024 წლის 17-20 სექტემბერს გამართულ განათლების საერთაშორისო გამოფენასა და კონფერენციაში.

Excellence Initiative – Research University-ის მიერ დაფინანსებული პროექტი - „ნიჭიერი ახალგაზრდა მეცნიერების ჩართვა კვლევით გუნდებში”, არის შესაძლებლობა სტუდენტებისა და დოქტორანტებისთვის ჩაერთონ კვლევებში. კანდიდატებს მოეთხოვებათ მოამზადონ და წარმოადგინონ კვლევის გეგმა, რომელიც განხორციელდება ვარშავის უნივერსიტეტში, კვლევის გეგმას დაამტკიცებს კვლევის ხელმძღვანელი ვარშავის უნივერსიტეტიდან.

9 სექტემბერს, ბსუ-ს რექტორის მოადგილე თამარ სირაძე და ბსუ-ს სტრატეგიული განვითრებისა და საერთაშორისო ურთიერთობების წარმომადგენლები აჭარის ა.რ. განათლების, კულტურისა და სპორტის სამინისტროს მიერ დაფინანსებული გაცვლითი პროგრამისა და „ერაზმუს+“-ის საერთაშორისო კრედიტ მობილობის კონკურსების გამარჯვებულ ბსუ-ს საბაკალავრო საგანმანათლებლო პროგრამების სტუდენტებს შეხვდნენ. შეხვედრაზე სტუდენტებმა დეტალური ინფორმაცია მიიღეს მობილობის განხორციელებასთან დაკავშირებით. ბსუ ულოცავს სტუდენტებს კონკურსში გამარჯვებას და შემდგომ წარმატებებს უსურვებს.

პორტოს უნივერსიტეტი აცხადებს საინფორმაციო ტექნოლოგიების სასწავლო კვირეულს საერთაშორისო ურთიერთობის პერსონალისათვის. ტრენინგი ტარდება ევროპის უნივერსიტეტის ფონდის Erasmus+ Crossroads ინიციატივის ფარგლებში.
მონაწილეობის საფასურია 150 ევრო.მონაწილეობის საფასური მოიცავს სამუშაო მასალას, კულტურული ღონისძიების პროგრამას, ერთ ჯგუფურ ვახშამს და სამი დღის განმავლობაში ტრენინგისათვის ლანჩ მენიუს. სხვა დამატებით ხარჯებს თავად მონაწილე ფარავს.

2024 წლის 14-18 ოქტომბერს, სამხრეთ-დასავლეთის უნივერსიტეტი "ნეოფიტ რილსკი" მასპინძლობს მეორე საერთაშორისო კვირეულს პერსონალისთვის. როგორც Erasmus Without Paper Champions (EWP) ბულგარეთში, 2024 წლის კვირეული ეძღვნება მდგრადი განვითარებისა და EWP ინიციატივების ხელშეწყობას. კვირეულზე განიხილება სტრატეგიები, რომლებიც გაზრდის ინსტიტუტებსა და აკადემიურ თემებში მდგრადი კამპუსული გარემოს დანერგვის მოტივაციას .

გამოცხადდა მიღება ჟან მონეს სასერტიფიკატო საზაფხულო აკადემიაზე "ევროკავშირის გაფართოება: წარსულის გაკვეთილები სამომავლო გადაწყვეტილებებისთვის“. აკადემიის ლექტორები არიან ქართველი და ევროპელი ექსპერტები. პროგრამა დაფინანსებულია ევროკავშირის მიერ და გაიცემა ინგლისურენოვანი სერტიფიკატი. რეგისტრაციისთვის მიჰყევით ბმულს - https://forms.gle/GTQsn2NQXPfiKanP8