ივანე ჯავახიშვილის სახელობის თბილისის სახელმწიფო უნივერსიტეტში გამართულ სტუდენტთა V სამეცნიერო კონფერენციაში - „ღირებულებათა ტრანსფორმაცია საქართველოში“ - მონაწილეობა მიიღეს ბათუმის შოთა რუსთაველის სახელმწიფო უნივერსიტეტის სტუდენტებმა. ეკონომიკისა და ბიზნესის ფაკულტეტის სტუდენტმა დავით ფარტენაძემ სესიაზე მოხსენება „საარჩევნო პლაკატები და სლოგანები, როგორც ღირებულებათა ტრანსფორმაციის ინდიკატორი“, ხოლო ამავე ფაკულტეტის სტუდენტმა ნესტან ვარშანიძემ და იურიდიული ფაკულტეტის სტუდენტმა ხატია ტაკიძემ მოხსენება „ანგარიშვადებულება და გამჭვირვალობა - ბიძგი ტრანსფორმაციისა“ წარმოადგინეს. კონფერენცია USAID-ის ფინანსური მხარდაჭერით IFES საქართველოს მიერ განხორციელებული პროგრამის „საარჩევნო პროცესების გაძლიერება“ (SEP) ფარგლებში გაიმართა.

ბათუმის შოთა რუსთაველის სახელმწიფო უნივერსიტეტისა და ბელორუსიის სახელმწიფო უნივერსიტეტის ბიზნესისა და ტექნოლოგიების მენეჯმენტის ინსტიტუტის თანამშრომლობის მემორანდუმის ფარგლებში, ეკონომიკისა და ბიზნესის ფაკულტეტის დეკანი, პროფესორი ვლადიმერ ღლონტი 29 ნოემბრიდან - 3 დეკემბრამდე ქალაქ მინსკში იმყოფებოდა სამუშაო ვიზიტით. ბელორუსიის სახელმწიფო უნივერსიტეტის ბიზნესისა და ტექნოლოგიების მენეჯმენტის ინსტიტუტის დირექტორთან, პროფესორ ვლადიმერ აპანასოვიჩთან, ეკონომიკის ფაკულტეტის დეკანთან, პროფესორ გენადი ხაცკევიჩთან და ბელორუსიის ეროვნული ტექნოლოგიური უნივერსიტეტის მენეჯმენტის, მარკეტინგის და მეწარმეობის ფაკულტეტის დეკანთან, პროფესორ ალექსეი დანილჩენკოსთან გამართულ შეხვედრებზე განისაზღვრა სამომავლო გეგმები. დაიგეგმა სტუდენტთა და პროფესორ-მასწავლებელთა მობილობა, ერთობლივი სამეცნიერო პროექტებისა განხორციელება და სამეცნიერო სიმპოზიუმის ჩატარება თემაზე: „საქართველო-ბელორუსიის ეკონომიკური თანამშრომლობა: რეალობა, პერსპექტივები და თანამედროვე გამოწვევები“.

ბათუმის შოთა რუსთაველის სახელმწიფო უნივერსიტეტს კიევის ვადიმ ჰეტმანის სახელობის ეროვნული ეკონომიკური უნივერსიტეტის რექტორი, პროფესორი დიმიტრი ლუკიანენკო და ადმინისტრაციის წარმომადგენლები ეწვივნენ. სტუმრები ბსუ-ს ეკონომიკისა და ბიზნესის ფაკულტეტის დეკანს, პროფესორ ვლადიმერ ღლონტს, ფაკულტეტის აკადემიურ პერსონალს შეხვდნენ და უნივერსიტეტებს შორის გაფორმებული მემორანდუმის საფუძველზე სამომავლო თანამშრომლობის გეგმებზე ისაუბრეს. ვიზიტის ფარგლებში, დელეგაციის წევრები ბსუ-ს ეკონომიკისა და ბიზნესის ფაკულტეტის ინფრასტრუქტურას გაეცნენ.

ბათუმის შოთა რუსთაველის სახელმწიფო უნივერსირტეტის ეკონომიკისა და ბიზნესის ფაკულტეტის პროფესორ-მასწავლებლებმა მონაწილეობა მიიღეს საერტაშორისო სტაჟირებაში თემაზე: „სწავლების თანამედროვე მეთოდები და ინოვაციური ტექნოლოგიები უმაღლეს განათლებაში:ევროპული გამოცდილება და არსებული ტენდენციები“. სწავლება 24-30 ოქტომბერს მიხაილ ბალუდიანსკის სამეცნიერო აკადემიური საზოგადოების მიერ სლოვაკეთის და სხვა ევროპული ქვეყნების უნივერსიტეტებთან ერთად ჩატარდა და მიზნად ისახავდა სწავლა/სწავლების და კვლევების ინოვაციური მეთოდების შესწავლა და გამოცდილების გაზიარებას. სტაჟირების ფარგლებში მონაწილეებმა განიხილეს ეფექტური პრაქტიკის, განათლებისა და მეცნიერე¬ბის აქტუალური პრობლემები, შესაბამისი მარეგულირებელი და სამართლებრივი დოკუ¬მენტები.

კიევის ტარას შევჩენკოს სახელობის სახელმწიფო უნივერსიტეტის ეკონომიკისა და ბიზნესის ფაკულტეტის მიერ ორგანიზებულ მესამე საერთაშორისო კონფერენციაში მონაწილეობა მიიღეს ბსუ-ს ეკონომიკისა და ბიზნესის ფაკულტეტის პროფესორ-მასწავლებლებმა. ასოცირებულმა პროფესორებმა: ია მესხიძემ, დარეჯან ჩხუბაძემ, გიორგი აბუსერიძემ, ასისტენტ პროფესორმა ნატო ჯაბნიძემ ორდღიან სესიაზე სამეცნიერო მოხსენებები წარადგინეს დარგის აქტუალურ საკითხებზე და უცხოელ კოლეგებს ბოლო პერიოდში წარმოებული კვლევების შედეგები გააცნეს. ღონისძიების ფარგლებში დამყარდა მჭიდრო კავშირები შესაბამის დეპარატმენტებთან და დაიგეგმა შემდგომი თანამშრომლობის მიმართულებები.