იურიდიულ და სოციალურ მეცნიერებათა ფაკულტეტის საერთაშორისო ურთიერთობების სპეციალობის მესამე სასწავლო წლის სტუდენტები ნათია პაქსაძე და კესო ვანილიში Erasmus+ Credit Mobility-ის გაცვლითი პროგრამის ფარგლებში, ერთი სემესტრის განმავლობაში ზალცბურგის უნივერსიტეტის სოციალური მეცნიერებისა და კულტურის ფაკულტეტზე ისწავლიან. ბათუმის შოთა რუსთაველის სახელმწიფო უნივერსიტეტის სტუდენტები მესამე წელია წარმატებულად მონაწილეობენ პროექტში, რის გამოც გაცვლითი პროგრამა ზალცბურგის უნივერსიტეტის ინიციატივით 2023 წლამდე გაგრძელდება.

საჯარო მმართველობის საბაკალავრო საგანმანთლებლო პროგრამის შემუშავების სამუშაო ჯგუფის ხელმძღვანელმა, ასოცირებულმა პროფესორმა ირაკლი მანველძემ განახორციელა ბაზრის კვლევა და დამსაქმებელთა გამოკითხვა. კვლევა განხორციელდა თვისობრივი კვლევის მეთოდის ინტერვიურების ტექნიკის გამოყენებით. კვლევის სამიზნე ჯგუფები იყვნენ რეგიონის სახელმწიფო და ადგილობრივი თვითმართველობის ორგანოების ხელმძღვანელი პირები. კვლევის შედეგად განისაზღვრა პროგრამის საჭიროებები პროგრამის მიზნების და სწავლის შედეგების განსაზღვრისთვის. დასაქმების ბაზარზე დიდი მოთხოვნაა პრაქტიკული უნარ-ჩვევების მქონე კომპეტენტურ სპეციალისტებზე.

ბათუმის შოთა რუსთაველის სახელმწიფო უნიევრსიტეტში ახალი საბაკალავრო საგანამანთლებლო პროგრამის „საჯარო მმართველობის“ შემუშავების მიზნით და დასაქმების ბაზრის შესასწავლად სამუშაო ჯგუფის კვლევა ჩატარდა. კვლევაში მონაწილეობდნენ აჭარის ა.რ. საკანონმდებლო და აღმასრულებელი ხელისუფლების. კვლევის მიზანი იყო საგანამანთლებლო პროგრამის საჭიროებების დაგენა, პროგრამის საორიენტაციო მიზნების და შედეგების განსაზღვრა. ფოკუს-ჯგუფებსა და ინტერვიუებში მონაწილეებმა წარმოაჩინეს შრომის ბაზრისა და დამსაქმებელთა მოთხოვნები. ქვეყანაში, როგორც სახელმწიფო, ასევე მუნიციპალურ დონეზე, დიდი მოთხოვნაა საჯარო მმართველობის დარგის ისეთ კვალიფიციურ სპეციალისტებზე, რომლებსაც საფუძვლიანად ეცოდინებათ სახელმწიფო და მუნიციპალურ ორგანოთა უფლემამოსილებები, მისი განხორციელების ორგანიზაციულ-მმართველობითი, ინფორმაციულ-მეთოდური თუ კომუნიკაციური უზრუნველყოფა.

საქართველოს პარლამენტის თავმჯდომარის მოადგილე ილია ნაკაშიძე აჭარაში შშმ პირთა საკითხებზე მომუშავე ორგანიზაციების წარმომადგენლებს, ბათუმის შოთა რუსთაველის სახელმწიფო უნივერსიტეტის პროფესორ-მასწავლებლებსა და სტუდენტებს შეხვდა. ღონისძიების მონაწილეები შშმ პირთა პრობლემებს, აქტუალურ საკითხებსა და არსებულ რეკომენდაციებს გაეცნენ. შეხვედრაზე ასევე ისაუბრეს დასაქმების, ინფრასტრუქტურული პრობლემების, ეკონომიკურ-სოციალური მდგომარეობისა და შშმ პირთა საზოგადოებრივ ცხოვრებაში მეტი ჩართულობის მნიშვნელობაზე.

18-21 აპრილს, ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის საერთაშორისო ურთიერთობებისა და ევროპისმცონეობის სპეციალობის სტუდენტებმა მონაწილეობა მიიღეს კონრად ადენაუერის სახელობის ფონდის აკადემიის მოკლევადიან საგანმანათლებლო პროექტში. პროექტის პირველ ეტაპზე ამირან აბაშიძემ, გიორგი შავაძემ, ლევან დუმბაძემ, მარიამ ირემაძემ, ანა დოლიძემ, ნინი ბუცხრიკიძემ, გაბრიელ ღვინიანიძემ ლექციები ისეთ მნიშვნელოვან თემებზე, როგორიცაა: თავისუფლება, თანასწორობა, წესრიგი, კეთილდღეობა, დეზინფორმაცია, პროპაგანდა, რელიგიური თანასწორობა, კეთილდღეობა, თავისუფალი სასამართლო და ა.შ. საგანმანათლებლო პროექტი მიზნად ისახავდა პოლიტიკური განათლების ხელშეწყობასა და პოპულარიზაციას.