7-11 ივლისს, ბათუმის შოთა რუსთაველის სახელმწიფო უნივერსიტეტს „ერაზმუს+“-ის ადმინისტრაციული პერსონალის გაცვლითი პროგრამის ფარგლებში, ბუქარესტის უნივერსიტეტის (რუმინეთი) სენატის წევრი, კომუნიკაციებისა და საზოგადოებასთან ურთიერთობის ინტერდისციპლინური კვლევების ცენტრის დირექტორი, პროფესორი, ალექსანდრა კრაჩიუნი სტუმრობდა.

8 ივლისს, ბათუმის შოთა რუსთაველის სახელმწიფო უნივერსიტეტს უზბეკეთის სახელმწიფო მსოფლიო ენების უნივერსიტეტისა და ეკონომიკისა და პედაგოგიკის უნივერსიტეტის დელეგაციები ეწვია. გაცნობითი ხასიათის ვიზიტის ფარგლებში, დელეგაციებს ბსუ-ს ჰუმანიტარულ მეცნიერებათა ფაკულტეტის დეკანი, ასოცირებული პროფესორი თეონა ბერიძე, ფაკულტეტის ხარისხის უზრუნველყოფის სამსახურის უფროსი, ასოცირებული პროფესორი ივდით დიასამიძე და სტრატეგიული განვითარებისა და საერთაშორისო ურთიერთობების დეპარტამენტის უფროსის მოადგილე, ნანა ყურშუბაძე შეხვდნენ.

23-27 ივნისს, ბსუ-ს ჰუმანიტარულ მეცნიერებათა ფაკულტეტის ასოცირებული პროფესორი ჟუჟუნა გუმბარიძე „ერაზმუს+“-ის აკადემიური მობილობის ფარგლებში იმყოფებოდა სიენას უნივერსიტეტში, იტალია. ვიზიტის ფარგლებში, პროგრამის მონაწილეებს შესაძლებლობა ჰქონდათ ჩართულიყვნენ მრავალფეროვან საგანმანათლებლო აქტივობებში და გაცნობით შეხვედრებში. გაიმართა სამუშაო შეხევდრები სიენას უნივერსიტეტის საერთაშორისო ურთიერთობების დეპარტამენტის თანამშრომლებთან, სადაც განიხილეს მიმდინარე საერთაშორისო პროექტები „ერაზმუს+“-ის ფარგლებში.

2025 წლის 16-20 ივნისს, რუანის ნორმანდიის უნივერსიტეტმა (საფრანგეთი) პერსონალის საერთაშორისო კვირეულს უმასპინძლა. ბსუ-დან კვირეულში მონაწილეობდნენ სტრატეგიული განვითარებისა და საერთაშორისო ურთიერთობების დეპარტამენტის მთავარი სპეციალისტები: ლელა თავართქილაძე და ნუნუ ჯაფარიძე, ჰუმანიტარულ მეცნიერებათა ფაკულტეტის პროფესორები: ნატალია სურგულაძე და მარინე სიორიძე, სამეცნიერო სამსახურის უფროსი თამარ მაჭუტაძე და ზუსტ მეცნიერებათა და განათლების ფაკულტეტის ასისტენტ-პროფესორი ნათია აბაშიძე.

12-13 ივნისს ბათუმის შოთა რუსთაველის სახელმწიფო უნივერსიტეტში, ფილოსოფიის დეპარტამენტის ინიციატივით და ჰუმანიტარულ მეცნიერებათა ფაკულტეტის ორგანიზებით ჩატარდა საჯარო ლექციები და დისკუსიები, რომელსაც უძღვებოდა ბერლინის ჰუმბოლდტის უნივერსიტეტის ემირიტუს-პროფესორი, ჰეგელის საერთაშორისო საზოგადოების საპატიო პრეზიდენტი, პროფ. ანდრეას არნდტი და საქართველოს ტექნიკური უნივერსიტეტის პროფესორი, ჰეგელის საერთაშორისო საზოგადოების სამეცნიერო საბჭოს წევრი, ფილოსოფოსი მამუკა ბერიაშვილი.