ახალი ამბები
11.02.2026

სიამაყით ვულოცავთ ბსუ-ს ასისტენტ-პროფესორ ელზა ჯინჭარაძეს მნიშვნელოვან აღიარებას! 11 თებერვალს, მეცნიერ ქალთა და გოგონათა საერთაშორისო დღეს, საქართველოს განათლების, მეცნიერებისა და ახალგაზრდობის სამინისტროსა და შოთა რუსთაველის ეროვნული სამეცნიერო ფონდის მიერ ორგანიზებულ ღონისძიებაზე, ელზა ჯინჭარაძეს წარმატებული სამეცნიერო საქმიანობისთვის სიგელი გადაეცა.

ბსუ-ში ტექნიკურ მეცნიერებათა დოქტორმა, პროფესორმა ალიკო ცინცაძემ საჯარო ლექცია წაიკითხა თემაზე: „ქართული ანბანის რიცხვითი მნიშვნელობა - როდის შეიქმნა ქართული ანბანი?“. საჯარო ლექციაზე ალიკო ცინცაძემ სტუდენტებს საკუთარი მეცნიერული აღმოჩენა და თეორიული ხედვა გააცნო, რომელიც ძველი ქართული დამწერლობის შექმნის რიცხვით სისტემას, კრიპტოგრაფიულ მეთოდს ეხება.

საქართველოს პარლამენტის პირველი ვიცე-სპიკერი, პარლამენტის ტერიტორიული მთლიანობის აღდგენისა და დეოკუპაციის საკითხებთან დაკავშირებული დროებითი კომისიის თავმჯდომარე გიორგი ვოლსკი აფხაზეთის მთავრობის წევრებთან და სხვა პირებთან ერთად, ბათუმის შოთა რუსთაველის სახელმწიფო უნივერსიტეტის რექტორს, ტიტე აროშიძეს და აჭარის ა.რ. განათლებისა და სპორტის მინისტრს, მაია ხაჯიშვილს შეხვდა.