ბსუ-ს ლუბლიანას უნივერსიტეტის სატყეო მეურნეობის ვიცე-დეკანი კლემენ იერინა ეწვია
ბათუმის შოთა რუსთაველის სახელმწიფო უნივერსიტეტს სლოვენიის ლუბლიანას უნივერსიტეტის პროფესორი, სატყეო მეურნეობის ვიცე-დეკანი, კლემენ იერინა ეწვია. ვიზიტის ფარგლებში პროფესორი კლემენ იერინა ბსუ-ს რექტორს, ტიტე აროშიძეს შეხვდა. შეხვედრაზე მხარეებმა ლუბლიანას უნივერსიტეტთან პარტნიორული ურთიერთობების გაღრმავებისა და „Erasmus+“-ის პროგრამის ფარგლებში თანამშრომლობის პერსპექტივები განიხილეს. ასევე, დაიგეგმა ბათუმის შოთა რუსთაველის სახელმწიფო უნივერსიტეტსა და ლუბლიანას უნივერსიტეტს შორის მემორანდუმის გაფორმება, რაც მომავალში ერთობლივი საგანმანათლებლო და სამეცნიერო პროექტების განხორციელებას შეუწყობს ხელს.
