ახალი ამბები

ბათუმის შოთა რუსთაველის სახელმწიფო უნივერსიტეტის საგამოცდო ცენტრში აბიტურიენტებისათვის ზოგადი უნარების იმიტირებული გამოცდები ტარდება. იმიტირებულ ტესტირებაში 400-მდე აბიტურიენტი მონაწილეობს და მიზნად ისახავს ახალგაზრდების ერთიანი ეროვნული გამოცდებისთვის მომზადებას. გამოცდები ჰუმანიტარულ მეცნიერებათა ფაკულტეტთან არსებული „არაფორმალური განათლების ცენტრის’’ ორგანიზებით 8 აპრილს დაიწყო და 15 აპრილს დასრულდება. პროექტის „უნივერსიტეტი - სკოლას“ ფარგლებში ბსუ-ს ფილოსოფიის, ქართული ფილოლოგიის, ისტორიის საგანმანათლებლო პროგრამების სხვადასხვა კურსის სტუდენტები 100-მდე აბიტურიენტს ზოგად უნარებში, ისტორიაში, ქართულ ენასა და ლიტერატურაში წლის განმავლობაში უფასოდ ამზადებს.

აჭარის ტურიზმისა და კურორტების დეპარტამენტის თავმჯდომარე სულხან ღლონტი ბათუმის შოთა რუსთაველის სახელმწიფო უნივერსიტეტის სტუდენტებს შეხვდა, ბათუმის ტურიზმის მნიშვნელოვან ღონისძიებაზე ნომინირების თემა გააცნო და აქტიურობისაკენ მოუწოდა. ბათუმისთვის, როგორც ევროპის წამყვანი, მზარდი ტურისტული მიმართულებისთვის ხმის მიცემის დასრულებამდე 20 დღე რჩება. მსოფლიო ტურიზმის ინდუსტრიის მთავარ ღონისძიებაზე “World Travel Awards” ბათუმის კონკურენტებს შორისაა სოფია (ბულგარეთი), მატერა (იტალია), ბაქო (აზერბაიჯანი), ლუბლიანა (სლოვაკეთი) და კუტნა ჰორა (ჩეხეთი). ხმის მიცემა 28 აპრილს სრულდება, გამარჯვებული კი 8 ივნისს, პორტუგალიის ქალაქ მადეირაში გამართულ დაჯილდოების ცერემონიაზე გამოვლინდება.

ბათუმის შოთა რუსთაველის სახელმწიფო უნივერსიტეტში საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტის პროფესორ ტარიელ ფუტკარაძის წიგნის „ქართველოლოგიის თანამედროვე გამოწვევები“ წარდგენა. მონოგრაფიაში საარქივო და სხვა დოკუმენტური წყაროების ანალიზის საფუძველზე გაანალიზებულია ლინგვისტური ქართველოლოგიის წინაშე არსებული შემდეგი ხუთი მნიშვნელოვანი გამოწვევა.

ბათუმის შოთა რუსთაველის სახელმწიფო უნივერსიტეტის ინიციატივითა და ორგანიზებით შოთა რუსთაველის უკვდავი პოემის პოპულარიზაციის მიზნით „ვეფხისტყაოსნის“ პირველი საერთაშორისო ფესტივალი ჩატარდა. ფესტივალი ბუს-ს რექტორმა მერაბ ხალვაშმა გახსნა და ღონისძიების ორგანიზატორებსა და მონაწილეებს სიგელებთან ერთად, სამახსოვრო საჩუქრები გადასცა.

ბსუ-ში ახალი „თავისუფალი სივრცე“ ოთარ იოსელიანის ფილმის „იყო შაშვი მგალობელი“ ჩვენებით გაიხნა. ფილმის დასრულების შემდეგ განხილვა და დისკუსია შედგა, რომელიც წარმართა ბსუ-ს კინოკლუბის წამყვანმა, ასოცირებულმა პროფესორმა გიორგი მასალკინმა. შეხვედრა ბსუ-ს სტუდენტთა კარიერული განვითარების, კულტურისა და სპორტის დეპარტამენტის ორგანიზებით გაიმართა.
ბსუ-ს ახალი „თავისუფალი სივრცე“ უმასპინძლებს კინოჩვენებებს, ლიტერატურულ საღამოებს, გამოფენებს, შეხვედრებს ცნობილ ადამიანებთან და სხვადასხვა სახის ღონისძიებებს.