ახალი ამბები

აჭარის ა.რ. მთავრობის თავმჯდომარემ თორნიკე რიჟვაძემ და ბათუმის შოთა რუსთაველის სახელმწიფო უნივერსიტეტის რექტორმა მერაბ ხალვაშმა ბსუ-ს სტუდენტური საცხოვრებლის მშენებლობა დაათვალიერეს. ლეონიძის ქუჩაზე მდებარე საცხოვრებელი 200 მობინადრეზეა გათვლილი და მისი მშენებლობისთვის უნივერსიტეტის ბიუჯეტიდან 2 მილიონ 359 ათასი ლარია გამოყოფილი. სტუდენტთა ახალი საცხოვრებელი სრულად შეესაბამება თანამედროვე სტანდარტების მოთხოვნებს. შენობის ოთხ სართულზე განთავსდება როგორც საქმიანი ნაწილი – დაცვის ოთახი, ადმინისტრაცია, სამრეცხაო-საშრობი, საკონფერენციო დარბაზი, ასევე საცხოვრებლის ბლოკები:

ბათუმის შოთა რუსთაველის სახელმწიფო უნივერსიტეტმა, ბორჯომში, კამპანიის „ბსუ ბორჯომის ტყის აღსადგენად“ ფარგლებში, განადგურებული ტყის ხელახალი განაშენიანების აქცია გამართა. ბსუ-ს ტექნოლოგიური ფაკულტეტის სტუდენტებმა, უნივერსიტეტის რექტორმა და პროფესორ-მასწავლებლებმა ბორჯომის პლატოს ტერიტორიაზე, რომელიც მავნებლებითაა დაზიანებული და მიმდინარეობს აღდგენითი პროექტი, უნივერსიტეტის სათბურში გამოყვანილი ნაძვის, ფიჭვის, სოჭისა და ქართული მუხის 800-მდე ნერგი დარგეს. ბორჯომის ტყის მწვანე საფარის აღსადგენად ტექნოლოგიური ფაკულტეტის ბაზაზე არსებულ სათბურში სტუდენტებმა პროფესორ-მასწავლებლებთან ერთად ნერგების გამოყვანა ერთი წლის წინ დაიწყეს.

აგვისტოს ომში დაღუპული გმირის, ვახტანგ გორგასლის I ხარისხის ორდენოსანის, V ქვეითი ბრიგადის კაპრალ ამირან მამალაძის სახელობის საუნივერსიტეტო ტურნირი ჩატარდა ბათუმის შოთა რუსთაველის სახელმწიფო უნივერსიტეტში. პირველობამ სტარტი 22 ოქტომბერს აიღო და მასში 24 გუნდი მონაწილეობდა. ფინალური შეხვედრაში ერთმანეთს დაუპირისპირდნენ გუნდები „ვირტუოზები“ და „ბსუ-ს ვარსკვლავები“.

ზვიად ჭუმბურიძის წიგნის „ათონი პატრიარქის გაზაფხული“ წარდგენა გაიმართა ბათუმის შოთა რუსთაველის სახელმწიფო უნივერსიტეტში. ავტორმა სტუდენტებსა და პროფესორ-მასწავლებლებს წიგნზე მუშაობის ისტორია და ისტორიული ვიზიტის დეტალები გააცნო. ნაშრომი უწმიდესის და უნეტარესის, სრულიად საქართველოს კათოლიკოს-პატრიარქის ილია II-ის 2004 წლის მაისის ათონის მთის ვიზიტს მიეძღვნა. ათონის მთას ქრისტიანულ მართმადიდებლურ რელიგიაში განსაკუთრებული მნიშვნელობის ადგილი უკავია. ივერიის ქართველთა მონასტერი X-XVI საუკუნეებში ქართული მეცნიერებისა და კულტურის ცენტრი იყო.

უნგრეთის საგანგებო და სრულუფლებიანი ელჩი საქართველოში ვიქტორია ჰორვატი მოადგილესთან ანიკო ფარკაშთან ერთად, ბათუმის შოთა რუსთაველის სახელმწიფო უნივერსიტეტის რექტორს მერაბ ხალვაშს, რექტორის მოადგილეს თამარ სირაძეს, სტრატეგიული განვითარებისა და საგარეო ურთიერთობათა დეპარტამენტის უფროსს გიორგი თავამაიშვილს შეხვდა. დიპლომატებმა შეხვედრაზე უნგრეთის უმაღლეს საგანმანათლებლო დაწესებულებებთან თანამშრომლობის მემორანდუმის გაფორმებასა და ერთობლივი პროექტების განხორციელების მნიშვნელობაზე ისაუბრეს. მხარეთა შეთანხმებით, დაიგეგმა სამეცნიერო კონფერენციის ჩატარება და უნგრული ხელოვნების ამსახველი გამოფენის მოწყობა. ვიზიტის ფარგლებში დიპლომატიური კორპუსის წარმომადგენლები სტუდენტებს შეხვდნენ და გაცვლითი პროგრამები გააცნეს.