ძვირფასო კოლეგებო, გაცნობებთ, რომ 2025 წლის 19-20 სექტემბერს ბათუმის შოთა რუსთაველის სახელმწიფო უნივერსიტეტში ჩატარდება საერთაშორისო სამეცნიერო კონფერენცია − „შავიზღვისპირეთი ცივილიზაციათა გზაჯვარედინზე - IV“.
სსიპ აჭარის მუზეუმი 2025 წლის 3, 4 და 5 სექტემბერს გიწვევთ V საიუბილეო საერთაშორისო სამეცნიერო კონფერენციაზე „მუზეუმი და გლობალიზაცია”, რომელიც 2021 წლიდან ტარდება სსიპ აჭარის მუზეუმის ორგანიზებით. საერთაშორისო კონფერენციის მიზანია ხელი შეუწყოს ჰუმანიტარული, სოციალური და მომიჯნავე დარგების, ასევე, სამუზეუმო მენეჯმენტისა და კულტურული ტურიზმის მიმართულებით მომუშავე მკვლევარების სამეცნიერო და კვლევითი საქმიანობის განვითარებას და სხვადასხვა ქვეყნების მეცნიერთა ურთიერთთანამშრომლობას.
ბათუმის შოთა რუსთაველის სახელმწიფო უნივერსიტეტი, იურიდიული და სოციალურ მეცნიერებათა ფაკულტეტი, ჟან მონეს კათედრის „უფრო ახლოს ევროპასთან“ ორგანიზებით, მოსამართლეებს, მოსამართლის თანაშემწეებს, სტუდენტებს და დაინტერესებულ პირებს იწვევს საზაფხულო სკოლაში „ევროკავშირის კონკურენციის სამართალი“ მონაწილეობის მისაღებად, რომელიც გაიმართება 2025 წლის 28 ივლისიდან 1 აგვისტოს ჩათვლით ქ. ბათუმში. სკოლას წარუძღვება ჟან მონეს კათედრის ხელმძღვანელი პროფ. სოლომონ მენაბდიშვილი.
2025 წლის 11-16 აგვისტოს გაიმართება ბათუმის შოთა რუსთაველის სახელმწიფო უნივერსიტეტის, ფრანკფურტის უნივერსიტეტის, ემპირიული ენათმეცნიერების ინსტიტუტისა და დიგიტალური ჰუმანიტარიის აკადემიის ერთობლივი საერთაშორისო საზაფხულო სკოლა „ქართული პოლიტიკური ზეპირმეტყველების კვლევა ციფრულ ეპოქაში - მეთოდები, ინსტრუმენტები, სტრატეგიები.“
1-7 აგვისტოს, ხულოს მუნიციპალიტეტში (სხალთის ხეობა) ჩატარდება ბათუმის XIV საერთაშორისო საზაფხულო სკოლა დიგიტალურ ქართველოლოგიაში.სკოლის პროგრამა მოიცავს როგორც თეორიულ, ისე პრაქტიკულ ბლოკებს:
