ანონსები

9-13 ივლისს, ბათუმის შოთა რუსთაველის სახელმწიფო უნივერსიტეტში (I კორპუსი, II სართული) გამოფენა „ქალაქების შეჯამება, ევროპული მოედნები და მათი ისტორიები“ გაიხსნება. კატალინ დ. კონსტანტინის ნამუშევრები მოედნების გეოგრაფიული სივრცეს ეძღვნება და მიზნად ისახავს ევროპის ქალაქების საჯარო მოედნების კულტურული და ანთროპოლოგიური წარმოჩენას. ღონისძიება ბათუმის შოთა რუსთაველის სახელმწიფო უნივერსიტეტისა და საქართველოში რუმინეთის საელჩოს ორგანიზებით იმართება.

18 ივნისს,14:00 საათზე, ბათუმის შოთა რუსთაველის სახელმწიფო უნივერსიტეტის თავისუფალ სივრცეში #სარდაფი21 ჩატარდება პროფესორ მალხაზ ჩოხარაძის სემინარი თემაზე „ქართული ენა და სოფლები თანამედროვე თურქეთში“. სემინარის ორგანიზატორია ქართული ენის და ლიტერატურის სპეციალობის II კურსი. დასწრება თავისუფალია.

15 ივნისს, 16:00 საათზე, ბათუმის შოთა რუსთაველის სახელმწიფო უნივერსიტეტში, 328-ე აუდიტორიაში ფილოსოფოსი გიორგი მაისურაძე საჯარო ლექციას წაიკითხავს თემაზე: ნეოფაშიზმი - წარმოშობა, საფუძვლები და საფრთხეები. ღონისძიება ბსუ-ს სტუდენტური პროექტის „ლიბერრუმის“ ფარგლებში იმართება.

7 ივნისს, 14:00 საათზე, ბათუმის შოთა რუსთაველის სახელმწიფო უნივერსიტეტის ეზოში ქიმიის ფესტივალი გაიმართება. ბსუ-ს საბუნებისმეტყველო მეცნიერებათა და ჯანდაცვის ფაკულტეტის ქიმიის დეპარტამენტის პროფესორები და სტუდენტები ღონისძიების ფარგლებში სკოლის მოსწავლეებისთვის ინტერაქციულ გამოფენას მოაწყობენ. სკოლის მოსწავლეებს საშუალება ექნებათ დაათვალიერონ ბსუ-ს ლაბორატორიები და მონაწილეობა მიიღონ ქიმიური ექსპერიმენტების ჩატარებაში.
ქიმიის ფესტივალი ბსუ-ს საბუნებისმეტყველო მეცნიერებათა და ჯანდაცვის ფაკულტეტის ქიმიის დეპარტამენტის ორგანიზებით ტარდება.

5-7 ივნისს, ბათუმის შოთა რუსთაველის სახელმწიფო უნივერსიტეტში საქართველოში ირანის ისლამური რესპუბლიკის საელჩოს კულტურის განყოფილების, ბათუმში ირანის ისლამური რესპუბლიკის გენერალური საკონსულოს ორგანიზებით გაიმართება ირანის კულტურის დღეები. ღონისძიების ფარგლებში, შედგება ფილმების ჩვენება და მოეწყობა ირანელი მხატვრების ჰურა ფიშყადამის და რანა საიდის მხატვრული ნამუშევრების გამოფენა.