ანონსები

20 მაისს, 14:00 სთ-ზე, 55-ე აუდიტორიაში გაიმართება საჯარო ლექცია, თემაზე: "კვლევაზე დაფუძნებული სწავლება და სამეცნიერო კვლევების ხარისხის მნიშვნელობა უმაღლეს საგანმანათლებლო დაწესებულებების განვითარებისთვის".
მომხსენებელი: ივანე ჯავახიშვილის სახელობის თბილისის სახელმწიფო უნივერსიტეტის, ფსიქოლოგიის მიმართულების სრულ პროფესორი, მარინე ჩიტაშვილი
ღონისძიება ბსუ-ს სტუდენტური პროექტების კონკურსში გამარჯვებული პროექტის: „სტუდენტები განვითარებისთვის“-ის ფარგლებში ტარდება.

17 მაისს, 13 საათზე, ბათუმის შოთა რუსთაველის სახელმწიფო უნივერსიტეტში, 534-ე აუდიტორიაში ილიას სახელმწიფო უნივერსიტეტის სამართლის სკოლის ასოცირებული პროფესორი და კონსტიტუციური კვლევების ცენტრის დირექტორი გიორგი მელაძე საჯარო ლექციას წაიკითხავს თემაზე: „ადგილობრივი თვითმმართველობა - როგორ დავაღწიოთ თავი ნაცრისფერ რეალობას“.

16 მაისს, 15:00 საათზე, ბათუმის შოთა რუსთაველის სახელწიფო უნივერსიტეტის სააქტო დარბაზში გაიმართება ცნობილი ქართველი კომპოზიტორის, საქართველოს სახალხო არტისტის, ღირსების ორდენის კავალერის ვაჟა აზარაშვილის შემოქმედებითი საღამო. საღამოზე, კომპოზიტორის პოპულარულ მუსიკალურ ნაწარმოებებს ავტორთან ერთად ბსუ-ს მუსიკალური ბენდის წევრები შეასრულებენ.

16 მაისს, 16:00 საათზე, ბათუმის შოთა რუსთაველის სახელმწიფო უნივერსიტეტში, 55-ე აუდიტორიაში, გერმანული ენის თვის ფარგლებში ჩატარდება საინფორმაციო შეხვედრა სტუდენტებისა და მშობლებისათვის. გერმანული ენის თვე გერმანიის, ავსტრიის, შვეიცარიის საელჩოების და კულტურის სფეროს ინსტიტუტების ორგანიზებით იმართება. ერთი თვის განმავლობაში დაგეგმილი მრავალრიცხოვანი ღონისძიებები ეძღვნება გერმანულ ენასა და გერმანულენოვანი ქვეყნების კულტურას. ინიციატივის „სამი ქვეყანა - ერთი ენა“ ფარგლებში გაიმართება ღონისძიებები სხვადასხვა ასაკის სტუმრებისათვის, კითხვის, კინოს მოყვარულებისა და ფეხბურთის გულშემატკივრებისათვის. ასევე მოეწყობა საინფორმაციო შეხვედრები გერმანული ენის სწავლასა და სტიპენდიების მიღებასთან დაკავშირებით.

10 მაისს, 14:00 საათზე, ბათუმის შოთა რუსთაველის სახელმწიფო უნივერსიტეტში, 21-ე აუდიტორიაში(თავისუფალი სივრცე) აჭარის საზოგადოებრივი მაუწყებლის მრჩეველთა საბჭოს თავმჯდომარე ნატა იმედაიშვილი საჯარო ლექციას წაიკითხავს თემაზე: საზოგადოებრივი მაუწყებლის იდეა, გამოწვევები და პერსპექტივები. ღონისძიება ბსუ-ს სტუდენტური პროექტის „ლიბერრუმის“ ფარგლებში იმართება.