ვროპის დღე ბსუ-ში ორი მასშტაბური ღონისძიებით აღინიშნა. განახლდა პროექტი „გადაწერე ვეფხისტყაოსანი“. ხელნაწერი „ვეფხისტყაოსნის“ შექმნაში მონაწილეობა მიიღეს ბსუ-ს სტუდენტებმა, პროფესორ-მასწავლებლებმა და უნივერსიტეტის რექტორმა, ტიტე აროშიძემ. ხელნაწერი ,,ვეფხისტყაოსანი“ ინგლისურ, პოლონურ, თურქულ, ყაზახურ ენებზე თარგნმნილი სტროფებით შეავსეს ბსუ-ში საერთაშორისო მობილობის ფარგლებში მყოფმა სტუდენტებმა და ადმინისტრაციის წარმომადგენლებმა პარტნიორი უნივერსიტეტებიდან. შეკრებილ საზოგადოებას სიტყვით მიმართა და ქართული ლიტერატურის საგანძურის მნიშვნელობაზე, იმ ღირებულებებსა და სიბრძნეზე, რასაც „ვეფხისტყაოსანი“ გვაზიარებს ისაუბრა პროფესორმა რამაზ ხალვაშმა. პროექტში, - „გადაწერე ვეფხისტყაოსანი“, - მონაწილეობა ნებისმიერ მსურველს შეუძლია.
ევროპის დღის აღსანიშნავად, სტრატეგიული განვითარებისა და საერთაშორისო ურთიერთობების დეპარტამენტის ორგანიზებით, გაიმართა შეხვედრა ბსუ-ში საერთაშორისო მობილობის ფარგლებში მყოფ სტუდენტებსა და ადმინისტრაციის წარმომადგენლებთან პარტნიორი უნივერსიტეტებიდან (პოლონეთი, თურქეთი, ყაზახეთი, პორტუგალია). სტუმრებმა წარმოადგინეს საინტერესო პრეზენტაციები იმ უნივერსიტეტების შესახებ, რომლებსაც წარმოადგენენ. შეხვედრის მონაწილეებს გადაეცათ სერტიფიკატები.
| უკან |
