ბათუმის შოთა რუსთაველის სახელმწიფო უნივერსიტეტში მათემატიკის დეპარტამენტის ასოცირებული პროფესორის ზებურ ავალიანის ხსოვნისადმი მიძღვნილი ტრადიციული საჭადრაკო ტურნირი - „ზებურ ავალიანის თასი - 2026“ გაიმართა. ტურნირი 9 ტურად, შვეიცარული სისტემით გაიმართა და მასში 50-მდე სტუდენტი, პროფესორ-მასწავლებელი, ჭადრაკის მოყვარული და ნორჩი მოჭადრაკე ასპარეზობდა.
ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის მათემატიკის დეპარტამენტის წევრებმა: პროფ. დ. მახარაძემ, ასოც. პროფ. მ. ბაკურიძემ და ასისტ. პროფ. ა. ბაკურიძემ უნივერსიტეტის მესამე მისიის ფარგლებში შეხვედრა გამართეს ბათუმის №5 და ორთაბათუმის საჯარო სკოლების მეთერთმეტე და მეთორმეტე კლასის მოსწავლეებთან. შეხვედრის მიზანი იყო უნივერსიტეტსა და სკოლას შორის თანამშრომლობის გაღრმავება, თანამედროვე მათემატიკის პოპულარიზაცია, ბსუ-ში მოქმედი მათემატიკის საბაკალავრო, სამაგისტრო და სადოქტორო პროგრამების როლის გაცნობა თანამედროვე ტექნოლოგიების განვითარებაში და მოსწავლეებში მათემატიკისადმი ინტერესის გაღვივება.
ბათუმის შოთა რუსთაველის სახელმწიფო უნივერსიტეტს გაეროს ბავშვთა ფონდის (UNICEF) ახალი წარმომადგენელი საქართველოში, იზაბელა კასტროჯოვანი და ფონდის კომუნიკაციის პროგრამის ხელმძღვანელი, მაია ქურციკიძე ეწვივნენ.
უმაღლესი საგანმანათლებლო პროგრამების აკრედიტაციის საბჭომ, 2026 წლის 21 აპრილს ივანე ჯავახიშვილის სახელობის თბილისის სახელმწიფო უნივერსიტეტის, ბათუმის შოთა რუსთაველის სახელმწიფო უნივერსიტეტისა და იაკობ გოგებაშვილის სახელობის თელავის სახელმწიფო უნივერსიტეტების ერთობლივ სამაგისტრო პროგრამას - „ბავშვის უფლებები“, მიანიჭა უპირობო აკრედიტაცია.
ბსუ-ს ზუსტ მეცნიერებათა და განათლების ფაკულტეტის დეკანი, პროფესორი ლელა თურმანიძე, ასოცირებული პროფესორი იბრაიმ დიდმანიძე და დეკანის თანაშემწე ნანა ხალვაში ერგეს საჯარო სკოლის მოსწავლეებს ეწვივნენ. ვიზიტის ფარგლებში გაიმართა საინფორმაციო შეხვედრა, სადაც მოსწავლეებს დეტალურად გააცნეს უნივერსიტეტის საბაკალავრო და პროფესიული საგანმანათლებლო პროგრამები, სტუდენტური სტიპენდიები, გაცვლითი პროექტები და სტუდენტური ცხოვრების სხვადასხვა ასპექტები. უნივერსიტეტის წარმომადგენლებმა დაათვალიერეს სკოლა და გაეცნენ მოსწავლეთა ნამუშევრებს.
