2025 წლის მაისიდან სექტემბრის ჩათვლით, PEERS-ის საერთაშორისო კრედიტ-მობილობის პროგრამის ფარგლებში, ბათუმის შოთა რუსთაველის სახელმწიფო უნივერსიტეტში ტექნოლოგიურ ფაკულტეტზე სტუმრად იმყოფებოდა ალაიზა დალ’ორსოლეტა - მინიოს უნივერსიტეტის (პორტუგალია) საინჟინრო სკოლის დოქტორანტი.

ბსუ-ს ტექნოლოგიური ფაკულტეტის არქიტექტურის საგანმანათლებლო პროგრამაზე ჩარიცხვის მსურველებმა ერთიან ეროვნულ გამოცდებამდე უნდა გაიარონ შემოქმედებითი ტური ხაზვაში. აბიტურიენტმა შემოქმედებით ტურზე უნდა ააგოს სამგანზომილებიანი ხედი (იზომეტრია) მოცემული დეტალის ორი ხედის მიხედვით.

ბათუმის სახელმწიფო უნივერსიტეტში ბსუ-ში მოქმედებს ERASMUS+ საგრანტო პროექტი „ინტენსიური განვითარების პროექტში სწავლა-ინოვაცია-გაყიდვა" (101128310-LISS24-ERASMUS-EDU-2023-CBHE Learn-Innovate-Sell-Succeed), რომლის ფარგლებში 2025 წლის 5 ივნისს ტექნოლოგიურ ფაკულტეტზე ჩატარდა ინოვაციების გაყიდვების კონკურსი. ეს კონკურსი მოიცავდა, როგორც ინოვაციების გაყიდვებს, გაყიდვების პროცესს/აქტივობას, ისე მასში ჩაშენებულ ინოვაციების კონკურსს.

ბათუმის შოთა რუსთაველის სახელმწიფო უნივერსიტეტის ტექნოლოგიურ ფაკულტეტზე, უნივერსიტეტის საპატიო დოქტორის, პროფესორ რევაზ სტურუას აუდიტორია გაიხსნა და არქიტექტურისა და მშენებლობის სტუდენტთა საკურსო ნამუშევრების გამოფენა გაიმართა. ღონისძიებაზე წარმოდგენილი იყო სტუდენტების მიერ შექმნილი შენობების მაკეტები, პლანშეტები და არქიტექტურული კომპოზიციები.

27 ივნისს, პარასკევს, 14:00 საათზე ბსუ-ს ტექნოლოგიურ ფაკულტეტზე გაიმართება ბსუ-ს საპატიო დოქტორის, პროფესორ რევაზ სტურუას აუდიტორიის (N 302) გახსნა და არქიტექტურისა და მშენებლობის სტუდენტთა საკურსო ნამუშევრების გამოფენა. ღონისძიებაზე წარმოდგენილი იქნება შენობების მაკეტები, სტუდენტების მიერ შექმნილი პლანშეტები და არქიტექტურული კომპოზიციები. ღონისძიება ეძღვნება ბსუ-ს 90 წლის იუბილეს.