ბათუმის შოთა რუსთაველის სახელმწიფო უნივერსიტეტის „სასურსათო ტექნოლოგიის“ და „ნავთობისა და გაზის ინჟინერიის“ საბაკალავრო საგანმანათლებლო პროგრამებმა სრული (7 წლიანი) აკრედიტაცია წარმატებით გაიარეს.
ვულოცავთ სტუდენტებსა და პროფესორ-მასწავლებლებს ამ მნიშვნელოვან მიღწევას და წარმატებებს ვუსურვებთ!

ბათუმის შოთა რუსთაველის სახელმწიფო უნივერსიტეტის „აგრარული ტექნოლოგიების“ საგანმანათლებლო პროგრამების კლასტერმა, რომელიც აერთიანებს 2 საგანმანათლებლო პროგრამას, მოიპოვა შვიდი წლით აკრედიტაცია.

ბათუმის შოთა რუსთაველის სახელმწიფო უნივერსიტეტს სამუშაო ვიზიტით ეწვია აშშ-ის სანდიეგოს უნივერსიტეტის საკონსულტაციო ბორდის წევრი, ABET-ის საქართველოს მიმართულების კონსულტანტი, პროფესორი ჰალილ გუვენი. ვიზიტის ფარგლებში პროფესორი ჰალილ გუვენი ბსუ-ს რექტორს, ტიტე აროშიძეს, რექტორის მოადგილეს თამარ სირაძეს, ტექნოლოგიური ფაკულტეტის დეკანს გაიოზ ფარცხალაძეს, ხარისხის უზრუნველყოფის სამსახურის ხელმძღვანელს ვლადიმერ ღლონტს შეხვდა.

2025 წლის 17-21 ნოემბერს ERASMUS+ პროექტის „კრეატიული ინჟინერიის განვითარება მდგრადი მწვანე სამყაროსთვის“ ფარგლებში, ბათუმის შოთა რუსთაველის სახელმწიფო უნივერსიტეტის ტექნოლოგიური ფაკულტეტის დეკანი, პროფესორი გაიოზ ფარცხალაძე და სტრატეგიული განვითარებისა და საერთაშორისო ურთიერთობის დეპარტამენტის ხელმძღვანელი მარინა გიორგაძე სამუშაო ვიზიტით იმყოფებოდნენ უზბეკეთის ტაშკენტის კიმიოს საერთაშორისო უნივერსიტეტში პროექტის პირველ საორგანიზაციო შეხვედრაზე.

ბსუ-ს პროფესიული პროგრამების მართვის და უწყვეტი განათლების ცენტრს გარემოსდაცვითი ინფორმაციისა და განათლების ცენტრის დირექტორის მოვალეობის შემსრულებელი თამთა დევდარიანი ცენტრის წარმომადგენლებთან ერთად ეწვია.შეხვედრაზე ბსუ-ს რექტორმა ტიტე აროშიძემ და გარემოსდაცვითი ინფორმაციისა და განათლების ცენტრის დირექტორის მოვალეობის შემსრულებელმა თამთა დევდარიანმა აგრარული მიმართულებით თანამშრომლობის შემდგომ განვითარებასა და დეფიციტური პროფესიების პოპულარიზაციაზე ისაუბრეს.