8-12 სექტემბერს ბათუმის შოთა რუსთაველის სახელმწიფო უნივერსიტეტში ევროკავშირის „ERASMUS+“- ის საგრანტო პროექტის „PRESS“ - საბუნებისმეტყველო განათლება მდგრადი განვითარებისთვის“ ფინალური საერთაშორისო კონფერენცია და კონსორციუმის სამუშაო შეხვედრები ტარდება.
ბათუმის შოთა რუსთაველის სახელმწიფო უნივერსიტეტსა და მსოფლიოში ცნობილ მათემატიკურ მეცნიერებათა ფილდსის კვლევის ინსტიტუტთან (კანადა) თანამშრომლობის მემორანდუმი გაფორმდა. შეთანხმაებას ხელი მოაწერეს ბსუ-ს რექტორმა ტიტე აროშიძემ და მათემატიკურ მეცნიერებათა ფილდსის კვლევითი ინსტიტუტის დირექტორმა დეარდერე ჰასკელმა. შეთანხმება მიზნად ისახავს მათემატიკური კვლევების გაღრმავებას, ერთობლივი კონფერენციების, ვორქშოფებისა და ტრენინგების ჩატარებას.
ბათუმის შოთა რუსთაველის სახელმწიფო უნივერსიტეტში პირველკურსელთა რეგისტრაცია დაიწყო. რეგისტრაციის პარალელურად სტუდენტები საკონსულტაციო ცენტრში ღებულობენ დეტალურ ინფორმაციას უნივერსიტეტში მოქმედ სამართლებრივ რეგულაციებზე, სწავლის საფასურის გადახდის წესზე, გაცვლით პროგრამებზე, სოციალურ პროექტებზე, სტიპენდიებსა და შემოქმედებით წრეებზე. პირველკურსელთა რეგისტრაცია გრძელდება 16 სექტემბრის ჩათვლით.
ბათუმის შოთა რუსთაველის სახელმწიფო უნივერსიტეტსა და ხელვაჩაურის მუნიციპალიტეტის საკრებულოს შორის თანამშრომლობის მემორანდუმი გაფორმდა. დოკუმენტს ხელი მოაწერეს ბსუ-ს რექტორმა ტიტე აროშიძემ და ხელვაჩაურის მუნიციპალიტეტის საკრებულოს თავმჯდომარემ თენგიზ ირემაძემ.
ბათუმის შოთა რუსთაველის სახელმწიფო უნივერსიტეტში აჭარის ა.რ. განათლებისა და სპორტის სამინისტროს მხარდაჭერით „საქართველოს მათემატიკოსთა კავშირის XV საერთაშორისო კონფერენცია“ გაიხსნა. ბსუ-ს 90 წლის იუბილესადმი მიძღვნილ ექვსდღიან კონფერენციაში მონაწილეობს საქართველოსა და უცხოეთის უნივერსიტეტებისა და სამეცნიერო-კვლევითი დაწესებულებების 300-მდე მეცნიერი. წარმოდგენილი სამეცნიერო მოხსენებები ხელს შეუწყობს ინფორმაციის გავრცელებას, თანამშრომლობის გაძლიერებას, საქართველოში მიმდინარე მათემატიკური კვლევებისა და ქვეყნის ცნობადობის ამაღლებას. საუკეთესო ნაშრომები გამოქვეყნდება საერთაშორისო ჟურნალში „Journal of Mathematical Sciences” (Springer).
