ბათუმის შოთა რუსთაველის სახელმწიფო უნივერსიტეტი აცხადებს მიღებას 2026–2027 სასწავლო წლისთვის პროფესიულ საგანმანათლებლო პროგრამებზე. მიღება ხორციელდება ერთიანი ეროვნული გამოცდების საფუძველზე. აბიტურიენტებს შესაძლებლობა აქვთ, საბაკალავრო პროგრამებთან ერთად, პრიორიტეტების მიხედვით აირჩიონ პროფესიული საგანმანათლებლო პროგრამები ან დარეგისტრირდნენ მხოლოდ პროფესიულ საგანმანათლებლო პროგრამებზე.

სსიპ - ახალგაზრდობის სააგენტოს ინიციატივითა და ორგანიზებით, 2026 წლის მაისი-დეკემბრის პერიოდში სტუდენტური მოხალისეობის ფესტივალი განხორციელდება, რომელიც აერთიანებს საქართველოს მასშტაბით ავტორიზებულ უმაღლესი და პროფესიული საგანმანათლებლო დაწესებულებების სტუდენტებს.

ბსუ-ს პროფესიული პროგრამების მართვისა და უწყვეტი განათლების ცენტრში ჩატარდა დასაქმების ფორუმი, რომელშიც მონაწილეობდნენ დასაქმების ხელშეწყობის სახელმწიფო სააგენტოსა და კომპანია „ნიკორა ტრეიდის“ წამომადგენლები. ფორუმი ბსუ-ს პროფესიული პროგრამების მართვისა და უწყვეტი განათლების ცენტრის დირექტორმა, ბადრი გეჩბაიამ გახსნა და დასაქმების ხელშეწყობის მნიშვნელობაზე ისაუბრა.

დასაქმების ხელშეწყობის სახელმწიფო სააგენტოს წარმომადგენლებმა ბსუ-ს პროფესიული პროგრამების მართვისა და უწყვეტი განათლების ცენტრის სტუდენტებთან საინფორმაციო შეხვედრა გამართეს, რომლის მიზანი იყო ახალგაზრდებისთვის სააგენტოს სერვისების, დასაქმების პროგრამებისა და კარიერული შესაძლებლობების გაცნობა.

ბათუმის შოთა რუსთაველის სახელმწიფო უნივერსიტეტის პროფესიული პროგრამების მართვისა და უწყვეტი განათლების ცენტრმა აბიტურიენტებისთვის გამართულ ღია კარის დღეში მიიღო მონაწილეობა. ღონისძიების ფარგლებში ბსუ-ს რექტორმა ტიტე აროშიძემ, ცენტრის დირექტორმა ბადრი გეჩბაიამ, ხარისხის მართვის მენეჯერმა ჯილდა აბაშიძემ და სტუდენტებმა აბიტურიენტებს გააცნეს პროფესიული საგანმანათლებლო პროგრამები, სტუდენტური ცხოვრება და ის შესაძლებლობები, რასაც უნივერსიტეტი სთავაზობს მომავალ პროფესიულ სტუდენტებს.