სპექტაკლი „მოპატიჟება მოწყალებაზე"

ისრაელის ქართულენოვანმა კამერულმა თეატრმა შოთა რუსთაველის სახელმწიფო უნივერსიტეტის სცენაზე ელისაბედ ყვავილაშვილის პიესა „მოპატიჟება მოწყალებაზე" წარმოადგინა. ერთმოქმედებიან დრამაში თეატრის დამაარსებელი და სამხატვრო ხელმძღვანელი ნაზი ნანიკაშვილი და თეატრის წამყვანი მსახიობი შოთა ეთერაშვილი მონაწილეობენ. სპექტაკლი უცხოეთში მცხოვრები ქართველი ემიგრანტების ცხოვრებასა და პრობლემებს ასახავს. წარმოდგენის შემდეგ ისრაელის ცნობილმა დუეტმა „ელეგიამ“ კომპოზიტორისა და შემსრულებლის ალექსანდერე პელეგისა (ელიგულაშვილი) და მომღერალ ლუიზა მანაშეროვის შემადგენლობით კონცერტი გამართა.