ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის სტუდენტთა მეორე ნაკადი სასწავლო პრაქტიკით სასტუმრო „Kongresshotel Potsdam“-ში, გერმანიაში გაემგზავრა. ტურიზმის ფაკულტეტის დეკანმა ირაკლი კორძაიამ ახალგაზრდებს საერთაშორისო პროექტში გამარჯვება მიულოცა და წარმატებები უსურვა.

ბათუმის შოთა რუსთაველის სახელმწიფო უნივერსიტეტსა და ფრანკოფონიის საუნივერსიტეტო სააგენტოს (AUF) შორის თანამშრომლობის ხელშეკრულების ფარგლებში, 2025 წლის 5-6 ივნისს ბსუ-ში, დასაქმების ფრანკოფონულ ცენტრში (CEF_ბათუმი), ჩატარდა ტრენინგი თემაზე: „ინტერკულტურული უნარ-ჩვევების განვითარება სამუშაო გარემოში“. ტრენინგს უძღვებოდა ფრანგულენოვანი სტაჟიორი-ტრენერი, მატილდ ბერტრანი.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის სტუდენტთა პირველი ნაკადი სასწავლო პრაქტიკით გერმანიაში გაემგზავრა. ახალგაზრდებს საერთაშორისო პროექტში გამარჯვება მიულოცეს და წარმატება უსურვეს უნივერსიტეტის რექტორმა, ტიტე აროშიძემ და ტურიზმის ფაკულტეტის დეკანმა, ირაკლი კორძაიამ.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის ასისტენტ-პროფესორმა ნინო დევაძემ, მესამე მისიის ფარგლებში, ბათუმის მე-3 საჯარო სკოლის მე-11 კლასის მოსწავლეებისთვის საჯარო ლექცია ჩაატარა თემაზე: „ტურიზმის მარკეტინგის არსი და თანამედროვე ტენდენციები“.

ბსუ-ს ტურიზმის ფაკულტეტს სასტუმრო ინდუსტრიის გერმანელი ექსპერტი, ბსუ-ს საპატიო დოქტორი და „Solutions Holding GmbH“-ის აღმასრულებელი დირექტორი, პროფესორი შტეფან გერჰარდი ეწვია. პროფესორმა გერჰარდმა ტურიზმის საბაკალავრო საგანმანათლებლო პროგრამის სტუდენტებისთვის ჩაატარა ლექცია საერთაშორისო სასტუმრო მენეჯმენტის თემაზე. შეხვედრების თემატიკა მოიცავდა სასტუმრო ინდუსტრიის განვითარების თანამედროვე ტენდენციებს, გლობალურ ბაზარზე მიმდინარე პროცესებსა და სტუმარმასპინძლობის სფეროში არსებულ გამოწვევებს.