ბათუმის შოთა რუსთაველის სახელმწიფო უნივერსიტეტს დიდი ბრიტანეთის ელჩი საქართველოში, გარეტ უორდი და საელჩოს პროგრამების ოფიცერი ნინო ჩიქვანია ეწვივნენ. ბსუ-ს რექტორთან, ტიტე აროშიძესთან გამართულ შეხვედრაზე მხარეებმა განიხილეს უნივერსიტეტსა და დიდი ბრიტანეთის უმაღლეს საგანმანათლებლო დაწესებულებებს შორის თანამშრომლობის გაღრმავების პერსპექტივები.

იტალიის რესპუბლიკის ელჩი საქართველოში, მასიმილიანო დ`ანტუონო ბათუმის შოთა რუსთაველის სახელმწიფო უნივერსიტეტის რექტორს ტიტე აროშიძეს შეხვდა. გაცნობითი ხასიათის შეხვედრაზე მხარეებმა ორ ქვეყანას შორის არსებულ კულტურულ-საგანმანათლებლო ურთიერთობებსა და სამომავლო თანამშრომლობის პერსპექტივებზე ისაუბრეს. დაიგეგმა ერთობლივი სასწავლო და სამეცნიერო პროექტების განხორციელება.

იაპონიის საგანგებო და სრულუფლებიანი ელჩი საქართველოში, იშიძუკა ჰიდეკი ბათუმის სახელმწიფო უნივერსიტეტის რექტორს, ტიტე აროშიძეს შეხვდა. ბსუ-ს დელეგაციის იაპონიაში ვიზიტის შედეგად თანამშრომლობა შედგა კობეს, ცუკუბას და ტოკიოს მეტროპოლიტენ უნივერსიტეტებთან. აღნიშნული პარტნიორობის ფარგლებში, ბსუ-ს სტუდენტები იაპონური ენის საზაფხულო პროგრამის ფარგლებში ტოკიოს მეტროპოლიტენ უნივერსიტეტში გაემგზავრებიან.

აჭარის ა.რ. განათლებისა და სპორტის სამინისტროს პროგრამის -„სწავლა საზღვარგარეთ“ (საბაკალავრო პროგრამა) კონკურსის შედეგები სტუდენტებისთვის

„ერაზმუს+”-ის გაცვლითი პროგრამის კონკურსის შედეგები სტუდენტებისთვის

გამოცხადდა „ერაზმუს+”-ის გაცვლითი პროგრამის კონკურსი „PEERS" პროექტის (პორტუგალია) ფარგლებში, რომელშიც ჩართულია საქართველოს 6 უნივერსიტეტი. ბათუმის შოთა რუსთაველის სახელმწიფო უნივერსიტეტის სტუდენტებს, აკადემიურ და ადმინისტრაციულ პერსონალს საშუალება ეძლევათ მონაწილეობა მიიღონ პორტუგალიის 3 უნივერსიტეტის მიერ გამოცხადებულ კონკურსში.
დეტალური ინფორმაცია კონკურსის შესახებ იხილეთ ბმულებზე:

ბათუმის შოთა რუსთაველის სახელმწიფო უნივერსიტეტი პერსონალისთვის აცხადებს ევროკომისიის მიერ დაფინანსებული „ერაზმუს+"-ის გაცვლითი პროგრამის კონკურსს 2025 – 2026 სასწავლო წლის გაზაფხულის სემესტრისთვის და 2026-2027 სასწავლო წლის შემოდგომის სემესტრისთვის მოკლევადიანი მობილობის განსახორციელებლად.