აჭარის ფინანსთა და ეკონომიკის მინისტრი რამაზ ბოლქვაძე ბათუმის შოთა რუსთაველის სახელმწიფო უნივერსიტეტის სტუდენტებს შეხვდა. ეკონომიკის, ტურიზმის და სამართალმცოდნეობის მიმართულების სტუდენტებთან მინისტრმა აჭარის ეკონომიკურ და საინვესტიციო გარემოზე, მიმდინარე და დაგეგმილ პროექტებზე ისაუბრა. შეხვედრაზე რამაზ ბოლქვაძემ სტუდენტებს საინიციატივო ჯგუფის შექმნა შესთავაზა, სადაც ახალგაზრდებს თავიანთი იდეებისა და პროექტების განხორციელების შესაძლებლობა ექნებათ.

ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის მენეჯმენტის სპეციალობის II კურსის სტუდენტებმა სპორტის საერთაშორისო დღე - 6 აპრილი ორგანიზაციის „მწვანე ბათუმის“ მხარდაჭერით, ბსუ-ს ეზოში ხეების დარგვით აღნიშნეს. აქციაში ახალგაზრდებთან ერთად უნივერსიტეტის რექტორი მერაბ ხალვაში, აჭარის ა.რ. განათლების კულტურის და სპორტის მინისტრი ინგა შამილიშვილი, აჭარის ა.რ. ფინანსთა და ეკონომიკის მინისტრი რამაზ ბოლქვაძე, აჭარის ა.რ. ჯანმრთელობისა და სოციალური დაცვის მინისტრი ზაალ მიქელაძე და სასტუმრო „რედისონ ბლუს“ წარმომადგენლები ჩაერთნენ. ღონისძიება პროექტის „ჯანმრთელი გარემო, ჯანმრთელი მომავლისათვის“ ფარგლებში მოეწყო. პროექტი ეკონომიკისა და ბიზნესის ფაკულტეტის მენეჯმენტის სპეციალობის II კურსის სტუდენტებმა (ტატიანა ჯოჯუა, ბექა ვარდმანიძე, ნუკრი ბერიძე და ლევან გაბაიძე) ასოცირებულ პროფესორ ირმა ჩხაიძის ხელმძღვანელობით განახორციელეს და მიზნად ისახავდა საუნივერსიტეტო სივრცის იმ სამსახურებთან დაკავშირება, რომლებიც აქტიურად მუშაობენ ქალაქის განვითარებაზე.

ბათუმის შოთა რუსთაველის სახელმწიფო უნივერსიტეტს „ერასმუს +“ აკადემიური პერსონალის გაცვლითი პროგრამის ფარგლებში ვროცლავის უმაღლესი საბანკო (პოლონეთი) სკოლის საერთაშორისო თანამშრომლობის ცენტრის ხელმღძვანელი, პროფესორი იაროსლავ ტომაშევსკი ეწვია. ვიზიტის ფარგლებში, პოლონელმა პროფესორმა სამუშაო შეხვედრა გამართა ეკონომიკისა და ბიზნესის ფაკულტეტზე.

საქართველოს სტატისტიკის ეროვნულმა სამსახურმა გასვლითი შეხვედრა გამართა ბათუმის შოთა რუსთაველის სახელმწიფო უნივერსიტეტში. შეხვედრის მიზანს მომხმარებლებისათვის არსებული სტატისტიკური მონაცემების და მათთვის საჭირო ინფორმაციის მიწოდება წარმოადგენდა. რეგიონული სტატისტიკური მონაცემების გამოყენება ხელს შეუწყობს ადგილობრივი თვითმმართველობას და ბიზნეს წრეებს სწორი გადაწყვეტილების მიღებაში.

ტემპუსის საგრანტო პროექტის ”Promoting Internationalization of HEIs in Eastern Neighbourhood Countries through Cultural and Structural Adaptations (PICASA)“ ფარგლებში ქალაქ კიევში კიევის ტარას შევჩენკოს ეროვნულ უნივერსიტეტში სამდღიანი საკოორდინაციო შეხვედრა გაიმართა. ღონისძიებაზე პროექტის მონაწილეებმა წარმოადგინეს პროექტის მიღწევები და სამომავლო გეგმები. შეხვედრას ესწრებოდა პროექტის კოორდინატორი ეკონომიკისა და ბიზნესის ფაკულტეტის ასისტენტ-პროფესორი ლილით მელოიან-ფუტკარაძე.