ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის მესამე კურსის სტუდენტებმა მარიტა ჭყონიამ და ინეზა შარაშიძემ მონაწილეობა მიიღეს საქართველოს საპატრიარქოს წმიდა ანდრია პირველწოდებულის სახელობის ქართულ უნივერსიტეტში გამართულ სტუდენტთა აკადემიურ ფორუმში „სახელმწიფო მართვისა და ბიზნესის თანამედროვე გამოწვევები“. მომავალმა ეკონომისტებმა ასისტენტ პროფესორ ნატალია რობიტაშვილის ხელმძღვანელობით მოხსენება წარადგინეს თემაზე: „დასაქმების რეალობა სტატისტიკურ ჭრილში“. აკადემიური ფორუმის მონაწილეებს ორგანიზატორებმა სერტიფიკატები გადასცეს.

ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის ბიზნესის ადმინისტრირების, მენეჯმენტისა და მარკეტინგის დეპარტამენტის ხელმძღვანელი, ასოცირებული პროფესორი ბადრი გეჩბაია და ტექნოლოგიური ფაკულტეტის ასისტენტ-პროფესორი ქეთევან გოლეთიანი ოფიციალური ვიზიტით კიროვოგრადის ეროვნულ ტექნოლოგიურ უნივერსიტეტში იმყოფებოდნენ. ვიზიტი ორ უნივერსიტეტს შორის გაფორმებული ურთიერთთანამშრომლობის მემორანდუმის საფუძველზე გაიმართა.

პარიზში მეთვრამეტე საერთაშორისო კონფერენცია „ეკონომიკისა და ბიზნესის მენეჯმენტი“ ჩატარდა. სამეცნიერო სესიაში მონაწილეობა მიიღო ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის ბიზნესის ადმინისტრირების, მენეჯმენტისა და მარკეტინგის დეპარტამენტის ხელმძღვანელმა, ასოცირებულმა პროფესორმა ბადრი გეჩბაიამ შოთა რუსთაველის ეროვნული სამეცნიერო ფონდის მიერ ახალგაზრდა მეცნიერთათვის გაცემული გრანტის ფარგლებში წარადგინა მოხსენება თემაზე: „ევროკავშირის ინოვაციური ეკონომიკის პრიორიტეტები და თანამედროვე პრობლემები: გამოწვევები, პერსპექტივები“. ორდღიან კონფერენციაში 15-ზე მეტი ქვეყნის 50 წარმომადგენელი მონაწილეობდა.

ბათუმის შოთა რუსთველის სახელმწიფო უნივერსიტეტის ეკონომიკისა და ბიზნესის ფაკულტეტზე ქალაქ ბათუმის მუნიციპალიტეტის 2017 წლის ბიუჯეტის პროექტის საჯარო განხილვა მოეწყო.

ტემპუსის საგრანტო პროექტის „ინტერნაციონალიზაციითვის ხელშეწყობა უმაღლეს სასწავლო დაწესებულებებში მეზობელ აღმოსავლეთის ქვეყნებში, კულტურული და სტრუქტურული ცვლილებების გზით“ („Promoting Internationalization of HEIs in Eastern Neighbourhood Countries through Cultural and Structural Adaptations” PICASA) ფარგლებში ივანე ჯავახიშვილის თბილისის სახელმწიფო უნივერსიტეტში მეორე კონფერენიცია ჩატარდა თემაზე: „სწავლა/სწავლების ინტერნაციონალიზაცია: პოლიტიკა და გამოცდილება“ თემატიკით. ორდღიან კონფერენციაში მონაწილეობდნენ ბათუმის შოთა რუსთაველის სახელმწიფო უნივერსიტეტის რექტორის მოადგილე სამეცნიერო დარგში, პროფესორი ნათელა წიკლაშვილი, ეკონომიკისა და ბიზნესის ფაკულტეტის ხარისხის სამსახურის უფროსი, პროფესორი ასიე ცინცაძე და ამავე ფაკულტეტის დოქტორანტი თამარ ღოღობერიძე.