11-16 აპრილს, ბსუ-ს ეკონომიკისა და ბიზნესის ფაკულტეტის დელეგაცია, ეკონომიკისა და ბიზნესის ფაკულტეტის დეკანის ვლადიმერ ღლონტისა და ამავე ფაკულტეტის სტუდენტების, დავით ფარტენაძესა და გიგა ბერაძის შემადგენლობით, ვროცლავის საფინანსო უმაღლეს სკოლას ეწვია. ვიზიტის მიზანი უმაღლეს სასწავლებლებს შორის სამომავლო და სტრატეგიული ურთიერთობების გაღრმავება, საერთო ტრენინგ-კურსების ჩატარება, სტუდენტთა და პროფესორთა გაცვლითი პროგრამები, საერთო სამეცნიერო ჟურნალის გამოცემა და გამოცდილების გაზიარება იყო.

აჭარის ავტონომიური რესპუბლიკის ფინანსთა და ეკონომიკის სამინისტროს ეკონომიკური პოლიტიკის დეპარტამენტის უფროსმა ეკატერინე ბახტაძემ ეკონომიკის ფაკულტეტის სტუდენტებისათვის საჯარო ლექცია გამართა. მოხსენება აჭარის ავტონომიურ რესპუბლიკის ეკონომიკურ პოლიტიკასა და იმ პროექტებს შეეხებოდა, რომლებიც აჭარის ა/რ რესპუბლიკაში ხორციელდება. სტუდენტებმა, უშუალოდ ეკონომიკური პოლიტიკის დეპარტამენტის უფროსისგან მიიღეს ინფორმაცია რეგიონის პოლიტიკურ სფეროში არსებულ პრობლემებსა და მიღწევებზე, აგრეთვე პასუხები მათთვის საინტერესო კითხვებზე.

19 - 23 აპრილს, სლოვაკეთის რესპუბლიკაში რიგით მე-2 საერთაშორისო სამეცნიერო კონფერენცია სახელწოდებით „UKRAINE-EU.MODERN TE¬CHNOLOGY, BUSINESS AND LAW’’ გაიმართა. კონფერენციის ერთ-ერთი ორგანიზატორი ბათუმის შოთა რუსთაველის სახელმწიფო უნივერსიტეტი გახლდათ. ეკონომიკისა და ბიზნესის ფაკულტეტის ბიზნესის ადმინისტრირების დეპარტამენტის ხელმძ-ღვა¬ნელი, ასოცირებული პროფესორი, ბადრი გეჩბაია წარსდგა მოხსენებით თემაზე: „საქართველოს აგრარული სექტორის კონკურენტუნარიანობის ამაღლების სტრატეგია და ევროკავშირის შეთანხმება“

აჭარის ავტონომიური რესპუბლიკის ჯანმრთელობისა და სოციალური დაცვის მინისტრის მოადგილემ ლევან გორგილაძემ, ეკონომიკისა და ბიზნესის ფაკულტეტის სტუდენტებისათვის საჯარო ლექცია გამართა. ლექცია სოციალურ პოლიტიკას, საზოგადოების სოციალური დაცვის მექანიზმს და იმ სოციალურ პროექტებს შეეხებოდა, რომლებიც მთლიანად ქვეყანასა და აჭარის ა/რ რესპუბლიკაში ხორციელდება. სტუდენტებმა, უშუალოდ მინისტრის მოადგილისაგან მიიღეს ინფორმაცია სოციალურ სფეროში არსებულ პრობლემებსა და მიღწევებზე, აგრეთვე პასუხები მათთვის საინტერესო კითხვებზე.

ეკონომიკისა და ბიზნესის ფაკულტეტის პროფესორები მონაწილეობას მიიღებენ პროფესორების კვირეულში, რომელიც მაისში, ვროცლავში გაიმართება-გადაწყვეტილება ეკონომიკისა და ბიზნესის ფაკულტეტის დეკანის, პროფესორი ვლადიმერ ღლონტის ვროცლავის საბანკო უმაღლეს სკოლაში ვიზიტის დროს მიიღეს. ვიზიტის ფარგლებში, ვლადიმერ ღლონტი ვროცლავის საბანკო უმაღლესი სკოლის (აკადემიის) კანცლერს, პროფესორ მარეკ ნატალის, მენეჯმენტისა და ფინანსების ფაკულტეტის დეკანს, პროფესორ თომას კოპისკანსკის და აკადემიის საგარეო ურთიერთობათა დეპარტამენტის ხელმძღვანელს, ბატონ იაროსლავ ტომაშევსკს შეხვდა. დაიგეგმა კონკრეტული თანამშრომლობა ეკონომიკისა და ბიზნენის ფაკულტეტსა და აკადემიას შორის, რომელიც ითვალისწინებს პროფესორებისა და სტუდენტების მობილობას, სწავლა-სწავლების გამოცდილების და მეთოდების გაზიარებას, სამეცნიერო თანამშრომლობის გაძლიერებას და თანამედროვე სიმულაციური პროგრამების დანერგვას სასწავლო პროცესში.