NATO-ს - ჩრდილოატლანტიკური ხელშეკრულების ორგანიზაციის პროგრამის „მეცნიერება მშვიდობისა და უსაფრთხოებისთვის“ (NATO Science for Peace and Security Programme Call for Proposals) ფარგლებში, გამოცხადდა კონკურსი მრავალწლიან პროექტებსა და ღონისძიებებში მონაწილეობის მისაღებად (SPS Multi-Year Projects and Events). განაცხადების მიღების ბოლო ვადაა 2024 წლის 21 იანვარი. დეტალური ინფორმაცია ხელმისაწვდომია შემდეგ ბმულებზე.

ბათუმის შოთა რუსთაველის სახელმწიფო უნივერსიტეტსა და ტარას შევჩენკოს უნივერსიტეტს შორის დადებული მემორანდუმის ფარგლებში, ტარას შევჩენკოს უნივერსიტეტი იწვევს ბსუ-ს აკადემიურ და სამეცნიერო პირებს მე-4 საერთაშორისო სამეცნიერო კონფერენციაში „საბუნებისმეტყველო მეცნიერებები: პროექტები, კვლევები, პერსპექტივები“ მონაწილეობის მისაღებად. სამეცნიერო კონფერენცია გაიმართება 2023 წლის 6-7 დეკემბერს, მონაწილეობის მიღება შესაძლებელია ონლაინ.
დეტალური ინფორმაცია კონფერენციის შესახებ იხილეთ დანართში.

2024 წლის 8-9 თებერვალს, საქართველოს ეროვნულ უნივერსიტეტში, SEU-ში ევროპული ინტეგრაციის კვლევითი ცენტრის ორგანიზებით და ლაზარსკის უნივერსიტეტის (პოლონეთი) თანაორგანიზებით მეოთხედ იმართება გაიმართება საერთაშორისო სამეცნიერო კონფერენცია „ტრანსფორმაცია გარდამავალ პერიოდში: ევროპული ინტეგრაცია და აღმოსავლეთ პარტნიორობის ინიციატივა". კონფერენციის მიზანია, სამუშაო თემატიკით განსზღვრული საკითხების ირგვლივ თავი მოუყაროს ადგილობრივ და საერთაშორისო მკვლევარებს, პრაქტიკოსებს, პოლიტიკის განმსაზღვრელ და სხვა დაინტერესებულ პირებს, რათა მათ შესაძლებლობა მიეცეთ წარმოადგინონ თავიანთი შეხედულებები და ჩაერთონ მნიშვნელოვან სამეცნიერო დისკუსიებში.

7 დეკემბერს მართვისა და კომუნიკაციის საერთაშორისო სასწავლო უნივერსიტეტის ალტერბრიჯის ორგანიზებით, იმართება მე-4 სამეცნიერო კონფერენცია თემაზე: „ხელოვნური ინტელექტი მართვასა და კომუნიკაციაში”. კონფერენციაში მონაწილეობა შეუძლიათ უმაღლესი საგანმანათლებლო დაწესებულებების აკადემიურ პერსონალს, კვლევითი ცენტრების/ინსტიტუტების წარმომადგენლებს, ახალგაზრდა მკვლევრებსა და დარგის სპეციალისტებს.

2023 წლის 6-10 ნოემბერს ფრანგულ-ქართულ უნივერსიტეტში გაიმართება პირველი საშემოდგომო სკოლა თემაზე: „კავკასია: გადასახლებისა და მიგრაციის ტერიტორია თანამედროვე ომების კონტექსტში“. სკოლის მიზანია შეკრიბოს ჰუმანიტარულ და სოციალურ მეცნიერებათა ფაკულტეტის (სოციოლოგია, პოლიტოლოგია, საერთაშორისო ურთიერთობები, ისტორია, გეოგრაფია, სამართალი და ა.შ.) ფრანგი, ქართველი და საერთაშორისო მკვლევარები და სტუდენტები, რომლებსაც საშუალება ექნებათ იმსჯელონ უკრაინაში შეჭრის შედეგებსა და კავკასიაში არსებულ სხვა მნიშვნელოვან კონფლიქტებზე. განსაკუთრებით მნიშვნელოვანია პოლიტიკური, ეკონომიკური და სოციალური ცვლილებები, რომლებიც გამოიწვია კავკასიაში, განსაკუთრებით თბილისსა და რეგიონის სხვა ქალაქებში, ახალი თემების გამოჩენამ.